ريهام سعيد عن واقعة عروس الإسماعيلية: اوعي تغلطي غلطتي وتكملي

حرصت الإعلامية ريهام سعيد، بالتعليق على حادث عروس الاسماعيلية، وذلك عبر حسابها على "فيسبوك"، وكتبت: "ممكن تبقي يتيمه وملكيش حد وممكن يبقي في حد بس ملوش لازمة لان انك تكملي الجوازه دي يبقي مالكيش حد فعلا".

ريهام سعيد تتحدث عن عروس الاسماعيلية

وتابعت: "أوعي تغلطي غلطتي وتكملي في حاجة غلط من الأول أنا حياتي بقت صعبة اوي بسبب قرار واحد غلط اخدته. عارفه ممكن يكون قالك ايه بس اللي مايحافظش علي كرامتك يبقي مش بيحبك اللي يرضي انه يكسر بخاطرك في لليلة عمرك يبقى مش بيحس ولا بني آدم".

وأردفت ريهام سعيد، حديثها: "غلطي واتمني تصلحي غلطتك ليكي رب اسمه الكريم عارفه الكلام عن الستر وبيتك وجوزك وإن مالكيش حد والفضيحة وماينفعش تطلقي بعد يوم من الجواز كل ده أي كلام اشتري نفسك وحياتك الناس مش هتنفعك ربنا فضحه لحكمة عنده".

اقرأ أيضًا..

عصام السقا يهاجم عريس الاسماعيلية: ”وصمة عار هتلاحقك”

واختتمت كلامها: "اي ست خايفة وبتكمل حياه كلها مهانة وذل عشان مالهاش حد وخايفة من كلام الناس بقولك خلي عندك إيمان بالي خلقك ربنا عمره ما هايسيبك. غلطي غلطة عمرك انك كملتي وهيبقي غلط أكبر لو استمريتي. هايضربك تاني وتالت ورابع وهايضربك ادام عيالك ليه؟ عشان الحب؟ فين هو ده؟ ساعات في قرارات بتبقي صعبة اوي الواحد ياخدها بس لو نجح إنه ياخدها ويتحدى الناس والخوف هايشتري حياته اللي هايعيشها مره واحدة بس. انتي مش لواحدك مصر كلها معاكي والقانون في ضهرك والله انتي دلوقتي مش لواحدك ربنا من خلال فيديو خلي ملايين معاكي وفي ضهرك هايدعموكي ويحموكي لو حد يعرفها يوصل لها البوست لازم ننقذها وننقذ اي حد بيفرط في كرامته وحياته عشان خايف". مشيرة إلى أن عين العروسة في الصوره مليئة بالكسرة والحصرة وإجبار.