كريم قاسم: ريهام حجاج تتعرض لظلم ممنهج لهذه الأسباب.. فيديو
دافع الفنان كريم قاسم عن النجمة ريهام حجاج بعد اتهام البعض لها بالتسبب في اعتزال الفنان القدير توفيق عبد الحميد، وهو الأمر الذي نفاه الأخير، قائلًا: "المسلسل واجه افتراء من بعض الناس، حد يطلع يعمل مونتير ويقولك أنا اشتغلت وهو أصلاً مالهوش علاقة بالمسلسل، وواحدة تتكلم على التتر وتقولك أصلها ظلمتني".
وتحدث كريم قاسم عن العديد من الأمور المتعلقة بمسلسل "يوتيرن"، والتي شغلت الجمهور خلال الأيام الماضية، ونشرت ريهام حجاج عبر حسابها الشخصي على موقع الصور والفيديوهات الشهير "انستجرام"، فيديو كريم، والذي قال فيه: "يا جماعة أنتوا بتلغوا مؤسسة كاملة، فيه شركة إنتاج، وفيه مخرج، وفيه ناس تانية بتاخد قرارات، أنا عمال أغنى ظلم ظلمات بتاعت التتر بسبب المواقف دى، فى إيه يا جماعة، وابتديت أحس إن فيه حاجة ممنهجة، بالذات ضد ريهام".
وأضاف كريم قاسم في الفيديو: "أنا متفهم إن فيه ناس ممكن ما تحبش ممثل، لكن لما جيت أركز شوية، ولما تابعت الكومنتات، لقيت حوالى 70 ٪ منها صفحات فاك عمرها ما نشرت بوستات، وبالمناسبة أنا تانى سنة أشتغل مع ريهام حجاج ما شوفتش منها حاجة واحدة وحشة".
وتابع: "بل بالعكس وقفت جانبي كتير، أوقات كتير ماكنتش قادر أشتغل سواء السنة دي، أو السنة قبل اللي فاتت أو متضايق من حاجة أو كدة، كانت هي تتدخل وتحل رغم إن ده مش شغلانتها، فعلا أنا ما شوفتش منها حاجة واحدة وحشة".
واختتم كريم قاسم: "أما فيما يتعلق بالأستاذ توفيق، إحنا كلنا تفاجئنا إنه نزل البوست ده فى التوقيت ده، بس أنا برضه مع شغلى معاه مقدر جدًا، لأن الظروف اللى بنشتغل فيها أتغيرت، إحنا بنصور يوميًا 14 و18 ساعة وأحيانا بنوصل لـ 23 ساعة يوميا، وطبعا أنا مقدر ظروفه الصحية".
اقرأ أيضًا.. «أحمد حلمي وهنيدي وإسعاد يونس».. المسلسلات الإذاعية تشعل المنافسة في الدراما التلفزيونية
مواعيد عرض مسلسل يوتيرن والقنوات الناقلة
ويعرض مسلسل يوتيرن في تمام الساعة 6:15 مساءً على شاشة قنوات CBC.
كما يعرض مسلسل يوتيرن على التلفزيون المصري بالقناة الثانية، تزامنًا مع أذان المغرب وتوقيت الإفطار.
ويعرض أيضًا على شاشة قناة المحور في تمام الساعة 8 مساءً، وبعدها على شاشة قناة ON في الساعة 10:30 مساءً، وفي الـ11:30 مساءً على شاشة قناة الحياة.
