عاجل… «أنا موجوع وتعبان».. حمو بيكا يستغيث بسبب تنمر هاني شاكر عليه

كتب مؤدي المهرجانات منشور صادم منذ قليل بموقع التواصل الاجتماعي "فيسبوك" يستغيث به بسبب تعرضه للتنمر وأزمته مع الفنان هاني شاكر.

وقال حمو بيكا: "جماعة ياريت نفهم إن أنا موجوع و تعبان.. كفاية تنـمر عليا.. اتنـمر عليا مرة واتنين وتلاتة ولسه فيه ناس بتتنمر عليا .. بتتنمروا عليا لحساب مين ؟!.. أنا بني آدم زي زيكم والله.. الأستاذ هاني حضرتك كنت في ندوة واتنـمر عليا وأنت أخويا الكبير".

وأضاف: "وأنا مسامح والله بس كفاية بالله عليك.. أنا اه مش بعرف اقرأ واكتب بس ربنا خلق لي قلب أحس بيه.. كفاية تجرحوني.. مش كل واحد يبقى عنده سلطة يتحكم في البشر ؟!.. أنا 5 سنين بعاني وبعافر بس هما شايفين إن إحنا مبسوطين وفرحانين".

وتابع: "لا انتوا اللي مبسوطين وانتوا اللي معاكم ومعاكم كتيييير وعندكم كتيييير بس عمرنا ما بصينالكم .. هو ليه لما يكون معايا حاجه حد يبصلي فيها وعايز يأخدها ؟!.. ده غير مرضي اللي بدفعله في الشهر كتير أوي.. حسوا بيا لو غلطت في حاجه تعالى وحاسبني وعلمني الصح من الغلط.. فاتح بيت وعندي أسرة وعندي مسؤوليات كتير".

اقرأ أيضًا: تارا عماد وأحمد داوود يرتبطان ثم ينفصلان في الحلقة ١٦ من مسلسل سوتس بالعربي

وقال حمو بيكا: "محدش يعلم بيها إلا ربنا ارجوكم كفاية.. ياريت تحكموا بينا بالعدل زي ما ربنا سبحانه و تعالى بيقول : وَإِذَا حَكَمْتُم بَيْنَ النَّاسِ أَن تَحْكُمُوا بِالْعَدْلِ .. و كفاية تنمر عليا وافتكروا كلام ربنا : يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ".