حمو بيكا لـ«الموسيقيين»: «عاوز أغني في مصر.. سيبوا الناس تاكل عيش».. فيديو

خرج مؤدي المهرجانات حمو بيكا عن صمته، وتحدث عن اشتياقه للجمهور داخل مصر بعد أن أعلن إقامته في دبي.

وخرج "بيكا" للجمهور في بث مباشر عبر صفحته الشخصية بموقع التواصل الاجتماعي فيسبوك قائلا: "وحشوني صحابي، ووحشتني مصر، مش بقالي كتير بعيد عنها، بقالي شهر، بس الشهر ده كأنه 100 سنة عدت عليا، ومصر بخير وهتفضل بخير دايمًا".

وأضاف مؤدي المهرجانات: "سيبوني أشتغل جوه مصر، أنا مش بحس بطعم النجاح غير في بلدي، ومش بحس إني ناجح غير فيها أنا هنا في دبي شغال وكل حاجة، بس عايز أشتغل في بلدي، وأنا الحمدلله عملت حفلات في دبي وتركيا وتونس وغيرها تكفيني سنة قدام، بس حابب أشتغل في بلدي".

وتابع حمو بيكا: "أنا زعلان إني متغرب بعيد عن مصر، ومش حابب أبقى تقيل على حد، مش بقول كده علشان عايز أغني في مصر، زعلان عشان حرمتوا جمهوري مني، وأنا عايز أشتغل في بلدي، ومش بعمل حاجة غلط".

واختتم "بيكا" قائلا: "مش زعلان، بس سيبوا الناس تاكل عيش، ربنا اللي بيقسم الأرزاق وبيسببها".

اقرأ أيضًا.. «دعاني لقضاء الصيف معه».. هل ارتبط جوني ديب بمحاميته؟