عن دوره في مسلسل «توبة».. كريم الحسيني: «حسن أبو الروس بيمثل ليه؟»
وجه الفنان كريم الحسيني، رسالة يهاجم من خلالها إختيار الفنان حسن أبو الروس، لتقديم دور صديق النجم عمرو سعد في مسلسل "توبة"، الذي يعرض حاليا.
وكتب "الحسيني"، عبر حسابه الشخصي بموقع التواصل الاجتماعي فيسبوك: "والله بوست مافيهوش أي تنمُر.. أنا بقول وجهة نظرى مش أكتر.. دلوقتى الفنان حسن أبو الروس بيمثل ليه؟ جايز يكون مخرج كويس.. لكن هل هو ممثل شاطر.. ممثل حساس ومُعبر ومُجتهد؟ بيعمل السنة دي أخو عمرو سعد والله العظيم أنا مش طمعان فى الدور ده خالص عشان ماحدش يقول غيران.. لأنه مش لايق عليا.. لكن يليق على كتير من الموهوبين".
واستكمل: "سبحان الله.. فى خرجين معهد من 20 سنه نفسهم فى فرصه زى دى ولما بتجيلهم ربع فرصه بيهدوا الدنيا مذاكره واجتهاد لكن ممكن مايفرقعوش عشان هما مش ترند على السوشيال ميديا .. ولا بيعملوا حاجات مطرقعة.. ولا بيطعلوا بهدوم غريبه أو يلبسوا البيلزر على اللحم".
وتابع: "عندك مثلا دُفعتى الفنان رامى الطمبارى، ممثل مُرعب وبينحت فى الصخر وكذلك اخوه الفنان هانى الطمبارى اللى منور السنه دى في الاختيار.. وكذلك الفنان احمد ماجد اللى عامل دور صغير فى جزيرة غمام .. بس بكى الناس كلها النهاردة".
اقرأ أيضًا.. «أحمد حلمي وهنيدي وإسعاد يونس».. المسلسلات الإذاعية تشعل المنافسة في الدراما التلفزيونية
واختتم رسالته قائلا: "أرجوكم دوروا على خرجين المعهد اللى بقالهم 20 سنه مستنين الفرصه قبل ما الاكتئاب والإحباط يقضى عليهم.. ويطفي آخر لمعه فى عيونهم اللامعه والمُشعه بالموهبه .. ومع كامل احترامى للفنان حسن ابو الروس بس فى زيه كتير ماتعرفش هما بيعملوا ايه".
