انتصار لـ شيماء سيف: «مفيش غيري ولا إيه.. هو أنا مرات أبوكي؟»
ردت الفنانة انتصار، على ما صرحت به الفنانة شيماء سيف بإحدى البرامج بأنها تآمرت عليها في البرنامج السابق "نفسنة".
وقالت انتصار، خلال استضافتها ببرنامج العرافة، الذي تقدمه الإعلامية بسمة وهبة، على قناة المحور: "شيماء عامله مسلسل، معندهاش حاجة تتكلم عليها في البرامج بتدور على اي حاجة تتكلم فيها، فمين مشهورة فحياتها، "انتصار".
وتابعت انتصار: "أنا طول النهار أسمع سيرتي في البرامج ومبردش أساسا، لأني عايزه أقفل الموضوع".
وأكملت انتصار: "إحنا كنا بنتكلم عليها في برنامج نفسنة ليه، عشان عندها أخطاء، حاجة في الشغل كنا تلاته وفي مشكلة هي عاملاها عشان كده طلعنا نتكلم".
وواصلت: "كل شغل ليه مشاكله، هي ليه بتطلع ده في البرامج، لكن أنا شغلانتها، مفيش غيري ولا إيه، هو أنا مرات أبوها؟".
