تامر حسين يحسم خلافه مع الفنان رامي صبري: «عازمك على الفطار يوم السبت إجباري»
وجه الشاعر تامر حسين، رسالة إلى المطرب رامي صبري، وذلك ليحسم الخلاف الذي نشب بينهما مؤخرا، مشيرا إلى أن الأخير سأله عن إذا كان يعتبره صديق أو أن ما يجمعهما هو العمل فقط، وقرر تامر حسين أن يجاوب على ذلك السؤال في منشور عن صفحته الشخصية على موقع التواصل الاجتماعي "فيسبوك".
وأعرب الشاعر الغنائي تامر حسين عبر حسابه على موقع "فيسبوك" قائلا: "إمبارح قالي بعد الخلاف اللي كان بينا! انت بتعتبرني صديق وإحنا أصحاب ولا معرفة شُغل بس؟.. وبيتكلم جد والله.. فأجاوبه أون لاين.. بعشرتنا اللي مِن 2009.. يشهد ربنا ع اللي في قلبي ليك.. وع اللي في قلبي لكل الناس اللي عاشرتهم وغلطوا في حقي وسامحتهم حتى لو قاطع علاقتى بيهم إني ما شايل أي حاجه في قلبي حاجه.. وحشة أو سيئة لحد أبدا وعمري.. ما رديت ولا عملت مشكلة مع حد (إلا) لو حاجه تمس كرامتي.. واسمي وسُمعتي المهنية والشخصية فقط لا غير.. وأنت يا رامي (أخويا وصديق وصاحب).. بعيداً عن الفن ومشاكله وصراعاته اللي مبحبهاش ولا بحب اتحط فيها تماماً وبزعل جدا لما يعدي وقت أنها كانت اون لاين أو في العلن بس ببقى مُضطر أرد وأدافع عن نفسي ودي سخافه المشاكل اللي بتكون اون لاين.. وأنت عارف.. إحنا بينا كام (موقف مُحترم) وكان في جدعنه ووقفة رجاله".
وتابع: "أجمع الحلو اللي مواقفي معاك كله.. وإطرح مِنه اللي زعلك وزعلني وأنت تشوف.. حقيقة اللي بينا وربنا مايجيب زعل أبداً وأنا عارف اني زي كريم حبيبي الله يرحمه أخوك الصغير وحبيبك.. وياما زعلنا وقفشنا وإتخانقنا وإختلافنا ولسه هنختلِف.. وعازمك ع الفطار (يوم السبت) إجباري.. وشكراً كده للي سابنا".
اقرأ أيضًا.. «أحمد حلمي وهنيدي وإسعاد يونس».. المسلسلات الإذاعية تشعل المنافسة في الدراما التلفزيونية
