«7 حقن في عضم الرأس 70 شكة».. معاناة سالي عبد السلام مع الثعلبة
استغاثت المذيعة سالي عبد السلام بمتابعيها والجمهور، بسبب معانتها مع داء الثعلبة، معربة عن حزنها لعودة المرض مرة أخرى إليها.
ونشرت سالي عبد السلام صورة لها عبر صفحتها الرسمية بموقع التواصل الاجتماعي "فيسبوك"، وعلقت عليها قائلة: "أنا في الابتلاء ده من 2017، آخر مرة جتلي الثعلبة في شعري ومشيت".
وأضافت: "وقالولي مش هتيجي تاني، كان من سنتين نفس الشهر ده بالظبط أبريل 2020، عند الناس بتيجي بالواحدة، أنا حتى في دي ربنا بيختبرني بزيادة سبحانك يا رب.. يبتليك الله ويختبرك في أكتر حاجة بتحبها، أو كانت مميزة زمان والناس فاكرة إنها زي ما هي".
واستكملت سالي عبد السلام تعليقها: "والناس كلها بتمدحها وكانت حلوة زمان ويختبرك!!!، الرضا من عندك يا رب عشان بدأ يروح مني سامحني واعفو عني، ومعنديش لا قوة ولا طاقة ولا قادرة أصبر وابدأ من جديد العذاب ده.. كان لازم أروح الفطار مع الولاد في الدار ملهمش ذنب وأنا وعدتهم قبل ما اسمع الخبر".
اقرأ أيضًا: إسلام إبراهيم يسخر من دور إلهام شاهين في «بطلوع الروح»
وتابعت: "وابقى مضطرة انبسط وأجبر بخواطر وخاطري مكسور، رجعت أكتر حاجة بتوجع فى الدنيا حقن الكورتيزون في الرأس!.. 7 حقن في عضم الرأس 10 شكات 70 شكة، والدموع بتقع مني غصب عني والله، مع إني عمري ما بعرف أعيط قدام حد! الدكتورة سالي حضنتني".
واختتمت قائلة: "ربي يسعدك، ادعوا لي يعفو عني، ومااخدش كورتيزون كورسات كاملة تاني واتبهدل تاني وابدأ من أول وجديد تاني والوجع تاني، اللهم إنك عفو كريم تحب العفو فاعف عني، اللهم أجرني في مصيبتي واخلف لي خيرًا منها".
