بعد عرض مسلسل بطلوع الروح الحلقة 14. تامر حبيب يشيد بمنة شلبي وأحمد السعدني
أشاد السيناريست تامر حبيب بأداء النجمة منة شلبي والنجم أحمد السعدني، بعد تألقهم في مسلسل بطلوع الروح الحلقة 14، وتقديمهم مشهد رائعا خلال أحداث الحلقة.
ونشر تامر حبيب مجموعة صور لأحمد السعدني ومنة شلبي خلال مسلسل بطلوع الروح الحلقة 14، عبر حسابه الشخصي بموقع التواصل الاجتماعي "فيسبوك" .
وعلق قائلا: "منة شلبي وأحمد السعدني مش بس زمايلي و لا اصحابي عادي، منة و سعدني اخواتي و حبايبي و ونس حقيقي في حياتي، جوز جدعان و عيالي اللي باطلع عليهم زرابيني و اتقمص منهم زي العيال و يعدولي و اعديلهم… لما بيغلطوا و عادة ما بيبقي في حق نفسهم".
واستكمل: "بيشيلوا هم لما اعرف انهم عاملين عاملة علشان عارفين اني هامسخهم مسخ دميم ماحدش يطيق يبصله… لما بيعملوا دور حلو، و المصحف فرحتي بيهم بتبقي زي فرحتي بنفسي و اكتر… فرحة الاب بعياله المتفوقين دائما.. باحب حبهم و احترامهم لمهنتهم و اخلاصهم في مذاكرة شخصياتهم".
اقرأ أيضًا.. أفلام عيد الفطر 2022 في السينما.. 6 نجوم يخوضون منافسة شرسة «فيديو»
وأضاف: "السنة دي منة و سعدني مخليني ماشي في الشارع رافع راسي و نافش ريشي و فرحان فرحة الاهبل… الولاد طلعوا الأوائل و بجدارة و مع مرتبة الشرف… ده كفاية مشهدهم في الحلقة ١٤، انا باتفرج عليهم كل شوية و اشعر بمنتهي السعادة… مبروك يا أحلى منجاية و يا اشطر سعدوني يا غاليين يا موهوبين".
