حسام داغر بعد رحيل سمير صبري: «كل الخير اللي عملته مستنيك مع السلامة يا كبير العيلة»
وجه الفنان حسام داغر، رسالة مؤثرة عقب رحيل النجم سمير صبري ودفنه اليوم، وذلك عبر حسابه الشخصي بموقع التواصل الاجتماعي فيسبوك.
وكتب حسام داغر، عن الراحل سمير صبري: "شفت الناس كانت زعلانه عليك إزاي في الدفنة ... طب شميت ريحة الياسمين كانت عاملة ازاي في المدفن .. كله كان بيدعيلك يا أبو قلب أبيض زي الأطفال .. خفت تعمل العملية بس ربنا أختارلك الأحسن .. في سرير الماريوت إلى كنت بتحبه ووسط حبايبك ودخلت تنام وروحك فاضت لربها".
وتابع: "كل الخير إلى عملته مستنيك .. كل الحب إلى زرعته هتلاقيه .. شوفت الحسنات بالجبال .. اه لو كل الناس تعرفك كويس .. يا أستاذ الأجيال يا متواضع يا متربي يا ابن الأصول يا راقي يا مثقف يا موسوعة".
اقرأ أيضًا: بعد اعتذاره عن الافتتاح.. تكريم خاص لـمحمد صبحي بمهرجان المركز الكاثوليكي
واستكمل: "أول من شجعني وأول من هناني وأول من ندهلي باسمي من جيل الكبار، مع السلامة يا كبير العيلة مع السلامة يا حبيبي مع السلامة يا أطيب خلق الله .. مع السلامة يا أستاذ سمير".
