تامر حسني: «المريض الحقيقي هو اللي معندوش طموح».. فيديو
كشف النجم تامر حسني، عن أهم مشهد كتبه في أفلامه، وهو إحدى مشاهده في فيلم "مش أنا"، والذي كان يتحدث فيه عن المرض.
ونشر تامر حسني، مشهده من فيلم "مش أنا"، عبر حسابه الشخصي بموقع التواصل الاجتماعي فيسبوك، وعلق قائلا: "مشهد (الحمدلله) من فيلم مش أنا يمكن أهم حوار كتبته في حياتي، وأتمنى ياخد نصيب كبير أوي في الانتشار، عشان واثق إن كلامه كتير منكم محتاجين يسمعوه".
وتابع: "هيكون علامة جميلة لناس كتير محبطة ومستنية التشجيعة دي، عشان يقوموا ويحققوا اللي ناقصهم لما يركزوا إن في ناس ظروفهم كانت أصعب منهم وقدروا يوصلوا وينجحوا، يعني الموضوع فينا احنا مش في الظروف، ظروفك الصعبة دي ممكن تصنع منك بطل، أنت اللي هتحدد وهتقرر ظروفك هتصنع منك إيه، قوم يلا ينفع تحلم تاني وعاشر الحلم ملوش وقت ولا سن والوقت مش متأخر ولا حاجة".
اقرأ أيضًا : أكرم حسني يعلق على تقمصه شخصية صالح سليم في «مكتوب عليا»
واختتم: "ما دام بتصحى من النوم بتلاقي نفسك عايش يبقى ربنا لسة عايزك وعندك مُهمة في الحياة قوم دور عليها ربنا مخلقكش فاضي بالعكس عندك كتير بس الشاطر كل ما يدور هيلاقي وزي ما كتبت في حوار الفيلم (المريض الحقيقي هو اللي معندوش طموح)".
