”قرار المحكمة ليس انتصارًا”.. أول تعليق لـ ميما شامي عن أزمتها مع خالد عليش

أعربت الفنانة ميما شامي، عن استيائها وغضبها الشديد، بسبب أزمتها الراهنة مع طليقها الفنان خالد عليش، ووجهت رسالة نارية لطليقها بعد تعاطف مواقع التواصل معه ضدها.

ونشرت الفنانة ميما شامي، تعليقا حول أزمتها مع طليقها، وذلك عبر صفحتها الرسمية على موقع التواصل الاجتماعي "فيسبوك" وعلقت قائلة: "لو في حد محتاج توضيح أو هيفهم هى ميما.. للأسف عمري ما كنت هحكي لها حاجة وربنا الشاهد على قراري، كنت بحاول وكل المحاولات فشلت.. والطرق الودية مكنتش نافعة".

اقرأ ايضًا..

ماذا قال تامر فرج عن تقديمه دور عبد المنعم مدبولي في «الحفيد»؟

وتابعت: "أنا بفكر في بنت ملهاش ذنب من حقها كانت تعيش في سلام بنا حتى لو حد فينا سيء.. مين الصح أو مين الغلط ربنا اللي يحكم مش الناس.. طبعًا أنا حاولت أقول الكلام دة للطرف التاني كتير.. أنا بعدت بعدت من زمان قوي وبعدت جدًا عن كل حاجة.. ومش عايزة انتصر ولا أكسب التعاطف يارب كل الناس تقول غلط بس بعيد عن بنتي.. لو بأيدي دلوقتي أعمل أي حاجة عشان إسم بنتي ميبقاش متداول بالشكل دة كنت عملت رجاء وتوسل مني الناس مش عارفين أي حاجة.. قرار المحكمة ليس انتصار ومش ضد رغبتي بس للأسف أنت خسرت خسرت أنه مهما المشاكل كانت بنا كانت هتفضل بنا وكان ممكن يوم تتنسي ومتوصلش لبنتنا.. للاسف هتفضل البنت تدفع تمن شهرتك وتراندات اتعملت عليها".

وأضافت ميما: "أرجوكم التزموا الصمت عشان خاطرها مش عشاني.. أسفة مرة تانية.. أنا مش هعمل أي حوار مش هدي اي تصريح مش هطلع اي لايف ولو بايدي اعمل المستحيل عشان اشيل صور بنتي من الاخبار اللي نزلت عننا.. بيتهيالي كدة كل حد كان نفسه في حاجة عملها وكل كان نفسه في حاجة قالها وكل اللي كان عايز يبان انه بيدعم بان كفاية بقى وكل واحد يشوف حاله وحياته وشغله ونفكر بعقل ازاي هتعدي البنت المحنة دة وتبقى سعيدة ومبسوطة مع كل اللي بيحبها وميضرهاش.. وربنا يكتب للجميع الخير ويهدي كل واحد غلط في حقها".

وانهت ميما شامي رسالتها قائلة: "تعديل تاني أنا مش هتناقش في أمور بنتي عالفيس بوك عشان الكومنت اللي اتكتب.. يا جماعة أقرو البوست وافهمو بقول كفاية نقوم نتفق.. هيحصل أية في الكومنتات وأجي أمتى وأنا جاي بكرة.. لا حول ولا قوة الا بالله.. هو اللي بيحصل دة حقيقي ولا بيتهيالي.. تعديل أخير.. ورحمة ابويا ماهيكون عندي رد تاني مهما اتقال واتنشر صور وسكرينات لأن واضح ان مفيش فايدة وهتفضل نتكلم ونرد ونشير ومش هنوصل لخير أبدًا.. والله كل حاجة ليها رد وإثبات وكل كلمة بتتقال مش حقيقية سيباها لربنا يظهر الحق".