صناع مسلسل «راجعين يا هوى» في حفل تكريم بالنادي الأهلي

أقامت اللجنة الثقافية بالنادي الأهلي، حفل تكريم لفريق عمل وأبطال مسلسل "راجعين يا هوى"، وذلك بحضور الفنانة نور، وأنوشكا، والفنان إسلام إبراهيم، ومصطفى درويش، والكاتب محمد سليمان، والمخرج محمد سلامة.

وأعرب الفنان إسلام إبراهيم، خلال ندوة تكريم مسلسل "راجعين يا هوى" وقال: "أكبر ريسك بعيدا عن الهزار اتاخد من شركة أروما إننا نقدم عمل بالعمق ده في سنة 2022 وبشكر أستاذ تامر مرتضى جدا إنه خلانا نطلع العمل بالشكل ده".

وتضمنت الندوة أيضا، حديث السيناريست محمد سليمان، عن مسلسل " راجعين ياهوى" وقال: "بقالنا سنين بنشوف حاجات مش شبهنا حتى الحاجات الشعبيه بتشجع القبح المسلسل معناه إن الاحتفال بالنجاح بيظهر والمسلسل اثبت أن القبح مش هو الناس اللي عايزاه في كل مجالات الفنون دي فرصة ان الجمال يظهر".

اقرأ أيضا..

خاص| بسنت صيام تكشف موعد تجهيز مسرحية «صافي وفافي» مع يسرا

وأوضح المخرج محمد سلامة خلال الندوة الثقافية، قائلا: "احنا كنا عايزين مصر حلوة زي ما بنشوفها كلنا وعايز اشكل الكرو ورا الكاميرات احنا كنا بنصور الناس والشوارع بصورة حلوة مش هنطلع الناس بلطجية احنا كنا بنضف الشارع، الاسلاك اللي على الحيطان بتتشال والشوارع بتتكنس ، مصر هيطلع شكلها حلو وده كان قرار واخدينة من الاول ان الناس هتطلع شكلها حلو ، مصر بلد كبيرة مش بلد صغيرة، ده كان من اهداف مسلسل راجعين يا هوى".

ويذكر أن مسلسل "راجعين يا هوى" شارك في بطولته كلا من: خالد النبوى، نور، هنا شيحة، أنوشكا، وفاء عامر، أحمد بدير، إسلام إبراهيم، طارق عبد العزيز، سلمى أبو ضيف، مصطفى درويش، اسلام جمال، وشريف حافظ، اية سماحة، سلوى محمد على، تميم عبده، عمرو مهدى، نور النبوى، جلا هشام، وقصة الكاتب الراحل أسامة أنور عكاشة، ومعالجة وسيناريو وحوار محمد سليمان عبد المالك، ومن إخراج محمد سلامة، وإنتاج شركة أروما للمنتج تامر مرتضى.