«جاهلة سياسيا ولست داعية».. أبرز ما قالته حنان ترك في أول ظهور لها بعد غياب

تصدرت الفنانة حنان ترك التريند بمحرك البحث الأشهر جوجل بعد سنوات غياب عن الشاشة والمناسبات الفنية حيث ظهرت خلال الساعات الماضية في بث مباشر.

وحرصت الفنانة حنان ترك على أن توجه الشكر لجمهورها وأصدقائها في البث المباشر عبر صفحتها الشخصية بموقع التواصل الاجتماعي فيسبوك، قائلة: "أشكر أسرتي على وقوفهم معي في مرضي الأخير، وبشكر الجمهور على دعواته اللي بفضلها أنا أحسن بكتير".

وأضافت: "وسعيدة إنكم معايا.. عاوزاكم تساعدوني ضد أي حد بيتكلم على لساني.. في صفحات باسم الدين والسياسة بتتكلم على لساني.. وأنا عمري ما هتطرق للمواضيع دي.. لأني سياسيًا جاهلة ومعنديش وعي ولا ثقافة سياسية".

واستكملت كلامها: "وبالنسبة للدين.. لما اتحجبت من 2007.. ودرست علوم شرعية.. كان على سبيل النجاة.. وليس على سبيل الدعوة لأني أصغر بكتير من كده.. صعبت عليا نفسي من إن أصحابي وحبايبي زعلوا مني على حاجات مش على لساني.. معقول نسيوني أوي كده.. وربنا نصفني.. وكل الصفحات اللي بالملايين تراجعت".

وقالت حنان ترك أيضًا: "ومش هسكت على أي حد اتكلم على لساني.. وبحذرهم يلغوا البوست ويشليوه.. لأني هبتدي آخد إجراءات.. صعب أي حد يتكلم في موضوع باسم ربنا.. وعلى لسان الرسول لأنه محتاج علم وفقه.. والتأويل على الله.. موضوع كبير جدا".

اقرأ أيضًا: ”عيش بزيادة”.. رامي عاشور يتعاون مع MAZ لطرح الأغنية الختامية لبطولة الجونة للاسكواش.. غدا

وتابعت: "أنا فين والكلام ده فين.. أي حاجة تنزل على لساني.. أو يتقال إني بحلل شيء.. مليش علاقة بالكلام ده.. ولا بحرَّم ولا أحلَّل.. وأنا أصغر من إني أفتي.. وده له ناسه.. لما تحب تاخد نصيحة.. خدها من أهل العلم.. والناس المسؤولين عن الفتوى.. ومصرح لهم تصريح رباني.. مش أي حد يقدر يديلك فتوى.. خدت على خاطري من صحابي.. وربنا أنصفني".

واختتم كلامها: "وأنا بقالي أسبوع عندي برد وصوتي تعبان، والدكتور أشرف زكي كلمني واطمن عليا وقالي لازم اسجل رسالة بصوتي لأصدقائي علشان اطمنهم عليا".