حمو بيكا يدعم طلاب الثانوية العامة: «طعم النجاح مع العلم مختلف تمامًا»
وجه مؤدي المهرجانات المطرب حمو بيكا، رسالة خاصة لطلاب الثانوية العامة والجامعات، بالتزامن مع اقتراب امتحانات الثانوية لنهاية عام 2022.
ونشر الفنان حمو بيكا، صورة له عبر موقع التواصل الاجتماعي «فيسبوك»، وعلق عليها قائلا: «رسالة لطلاب الثانوية العامة و الكليات.. هو انا اه مش متعلم واخدت "محو الأمية" بالعافية لكن ده مش حاجه تفرح ولا تقول "عندك بيكا اهو مش متعلم بس ناجح"، صدقوني والله طعم النجاح مع العلم مختلف تماما عن طعم النجاح من غير علم».
اقرأ أيضًا: بعد تصدره التريند.. موعد حلقة محمد صلاح مع إسعاد يونس
وتابع حمو بيكا: «العلم بيفرق في كل حاجه في الدنيا، كمية معاناه بشوفها يوميا بسبب اني مش متعلم كبيرة اوي مش بتمني حد منكم يشوفها أو يتعرض لها، العلم بيستر كتير اوي و بيخليك واعي ومتفتح في كل مجالات الحياة..هو اه الشارع علمني كتير، بس مش زي المدارس والجامعات، حتي لو مش هتشتغل بشهادتك وحتي لو دخلت كلية مش بتحبها، بس يكفي انك متعلم و معاك شهادة تقدر تسد بيها عين الشمس.. اتعلموا و خلوا بالكم من تعليمكم و شهداتكم لأنها هتفرق كتير اوي معاكوا ومع عيالكم بعد كده».
وأضاف «بيكا» قائلا: «أنا اه مادخلتش مدارس وماتعلمتش، بس حابب كل اللي حواليا ناجح ومتعلم وأوعي يوم تقول أهو فلان ناجح بس مش متعلم».
اقرأ أيضا: حسن شاكوش يبكي على الهواء في «حبر سري» لهذا السبب
