ملخص تصريحات بدرية طلبة.. تعرضت لتهديدات بسبب خطف ابنة شقيقها و هذا سر خلافها مع عبلة كامل
كشفت الفنانة بدرية طلبة تفاصيل مثيرة عن محاولة اختطاف ابنة شقيقها وقالت في لقائها التلفزيوني الأخير: «مش محتاجة تريند لأن اسمي لوحده تريند».
وأضافت: «الناس بتحلل كل حاجة حسب هواها، بشكر الداخلية وقفت معايا في مصر ومع ابن أختي في إسكندرية، وقالت لنا اعملوا محضر وفضلوا ورا الموضوع لحد ما اطمنوا وطمنونا».
وتابعت الفنانة قائلة: «الداخلية كذبت تعرض ابنة شقيقي للتخدير، اتأكدوا وبحثوا في الموضوع والبنت اتخبطت ودرجة حراراتها كانت مرتفعة وأنا ما قلتش أنها اتخدرت».
وأوضحت أنها تعرضت للتهديد بالقتل بعد منشور محاولة خطف ابنة شقيقها معلقة: «جالي تهديد بالقتل رسمي من شخص معروف وشتمني وصفحته مفتوحة».
اقرأ أيضا: «بدرية طلبة» آخرهم.. فنانين تلقوا تهديدات بالقتل من مجهولين
وكشفت بدرية طلبة كواليس الصلح بين ياسمين عبدالعزيز وأحمد العوضي قائلة: «أنا صالحتهم على بعض، صحبتي حبيبتي، زي أي اتنين حصل بينهم مشادة، وزعلوا من بعض، وخلاص اتصالحوا».
وأضافت: «وربنا يهنيهم ويبعد عنهم أي حاجة وحشة، في ناس بتقول إني لما بعلق عند ياسمين عبدالعزيز ببقى عاوزه أشتغل، ده مش مصحلة لكن في حاجة اسمها عشرة وعيش وملح وصداقة».
وتحدثت أيضًا عن سر سوء تفاهم بينها وبين الفنانة عبلة كامل، بسبب قميص نوم خلال أحداث فيلم خالتي فرنسا، وقالت: «هذا الفيلم كان أول أعمالي بعد فيلم صايع بحر، لعبت دور أخت عبلة كامل، ومن المفترض في زواجها أن أرتدي قميص نوم، ورفضت وقلت له هلبس قميص نوم لميع زي بتاع زينات صدقي عشان مش متعري».
اقرأ أيضًا: تفاصيل تكريم دنيا سمير غانم بمهرجان الإسكندرية السينمائي بدروته الـ 38
وتابعت: «وفي التصوير لقيت الاستايليست جايبة لي قميص نوم أحمر، فصوت ولطمت وعيطت ووقفت التصوير، لكن للأسف في ناس وصلت لأستاذة عبلة كامل إني اتفقت على قميص النوم، وآجي وقت التصوير أحطهم قدام الأمر الواقع، فسألتني إن كان ده حصل، والمخرج أنصفني وقال اللي قلته فعلا، فأجلت كل التصوير لحد ما جابوا لي اللبس اللي اتفقت عليه».
