« تدمير لسمعة مصر».. إسلام بحيري يرد على تصريحات مبروك عطية عن حادثة المنصورة

علق إسلام بحيري، الكاتب والباحث الإسلامي، على تصريحات الشيخ مبروك عطية المثيرة للجدل عن مقتل طالبة المنصورة نيرة أشرف على يد زميلها بالجامعة والتي آثارت غضب الكثيرين وأدت لتحرك عاجل وبلاغ للنائب العام.

وقال إسلام بحيري في منشور له عبر موقع التواصل الاجتماعي فيس بوك: "الكلام اللي قاله المدعو مبروك عطية كارثة ومصيبة وفجور غير مسبوق هي بقت كده، اتحجبي أو هتتقتلي في مصر؟"

وأضاف إسلام البحيري: "ده تدمير للإسلام نفسه، الراجل بيقول حكمة الحجاب هو حماية المرأة من القتل، وكمان تدمير لسمعة مصر ومجتمعها بشكل فاجر ووقح، الراجل بيقول اخرجي زي القفة، لأن اللي مش معاه فلوس، في المجتمع اللي حواليك وشاف جمالك هيقتلك".

وتابع "البحيري" متسائلا: "هل ده المجتمع المصري كله بقوا قتلة وعصابات؟ وهل دي حكمة الحجاب ؟ عشان تحمي نفسها من القتل؟ معقول يصدر هذا الكلام من عاقل؟.. اللي قاله مبروك عطية ده خطير خطير جدا، ويبرر ويفتح باب لألف نيرة جديدة الله يرحمها".

وقال البحيري: "معقول الأزهر بياخد 26 مليار جنيه عشان يخرج شيوخ ودعاة يدمروا المجتمع المصري وسمعته ويدمروا صورة الإسلام بالشكل ده؟".

عباس شومان: حادثة المنصورة لا تدل على غياب النخوة

وكان الدكتور مبروك عطية، عميد كلية الدراسات الإسلامية الأسبق بجامعة الأزهر الشريف، قال: المرأة والفتاة، تتحجب عشان تعيش، وتلبس واسع عشان متغريش، وغض البص للرجال المحترمة، لو حياتك غالية عليكي اخرجي من بيتك قُفة، لا متفصلة ولا بنطلون ولا شعر على الخدود، عشان وقتها هيشوفك اللي ريقة بيجري ويقتلك.