بعد غياب 5 سنوات.. جاد شويري: «راجع مصر أقوى ونجحت بالأغاني المصرية في لبنان»

حل المطرب جاد شويري اليوم الخميس، ضيف برنامج كلام الناس الذي تقدمه الإعلامية ياسمين عز عبر شاشة قناة mbc مصر الفضائية، بعد غياب استمر لخمسة سنوات.

وقال شويري، في لقائه التلفزيوني، إنه يحضر لألبوم جديد باللهجة المصرية، وتابع: "النهاردة عايزة أرجع في أركز في مصر ومسبش الكيان اللي عملته، راجع أقوى عشان الخبرة اللي أخدتها في الإخراج والإنتاج كبيرة".

وأضاف: "أنا اشتغلت مع جورج وسوف وكارول سماحة ووليد توفيق ووائل جسار، وبالنسبالي المزيكا تحدي أكتر ما تكون واسطة"، وفيما يخص انتقاده بسبب تصريحات له عن اللهجة المصرية: "قولت أنا بفضل اللهجة المصرية وقامت الدنيا عليا.. أنا مبعرفش أكذب وشايف أن اللهجة المصرية أجمل لهجة عربية ولوحدها بحسها فيها نغمة غناء والكلام بتاع المصرين فيه هزار".

وعن تألقه وشهرته في مصر، قال: "أنا داخل صغير وابتديت في المزيكا مع ألبومي وميلودي، هما بيقوليلي إنت بتحب مصر عشان هما حبوك وحبو مزيكتك ولكن العكس أنا اللي بحب المزيكا المصرية".

اقرأ أيضًا: «فيلم أميرة» لــ محمد دياب يحصد الجائزة الفضية بمهرجان جنيف الدولي

وتابع: "وعارف إن المصريين بيشوفوا على طول الشخص الحقيقي.. أنا بتفادى إن أقول أنا بحب مصر قد إيه عشان ملقيش هجوم كبير من الوطن العربي، وزعلت أما بعدت شوية بعد الثورة والمصريين بقوا مركزين في حاجات تانية بعدها أثبت نفسي شوية في لبنان وأغنياتي المصرية كانت ماشية في لبنان".