أبرزها تدهور صحته.. أزمات واجهت حميد الشاعري في 24 ساعة
تصدر اسم المطرب حميد الشاعري التريند بمحرك البحث الأشهر جوج,ل ومواقع التواصل الاجتماعي بسبب مرضه، والصراع الحاد الذي وقع بين نجله والملحن حلمي بكر.
حقيقة مرض حميد الشاعري
أثارت الحالة الصحية للفنان حميد الشاعري جدلا خلال الساعات الماضية بعد انتشار أنباء عن إصابته بفيروس كورونا ولكن بعد خضوعه للتحاليل والفحوصات تبين عدم صحة إصابته بالفيروس.
وظهرت أيضًا أنباء تشير إلى تدهور حالته الصحية خلال الساعات الماضية ولكن الحقيقة أنه أصيب بإنفلونزا شديدة ويخضع للعلاج في منزله وتتحسن حالته تدريجيًا.
صراع حاد مع حلمي بكر
وفي سياق آخر، دخل نجل حميد الشاعري في صراع مع الملحن حلمي بكر الذي هاجم والده في تصريحات سابقة له، وكتب نديم الشاعري: "أستاذ حلمي لو محتاج مساعدة مادية أو نفسية الكابو مش هيتاخر عليك".
أضاف نديم الشاعري: "لكن ما ينفعش كل ما تتزنق تروح برنامج تجيب سيرة حميد الشاعري.. اللي للأسف تاريخك ميجيش تمن تاريخه ولا فنيا ولا أخلاقيا للأسف 30 سنة من عمره ما بيعملش حاجة في حياته غير التقليل من الناس".
واستكمل: "ومن الفنانين ومن أعمالهم أوعى حضرتك تفتكر إنك محطوط في خانة الإنسان المحنك، لا للأسف أنت عبرة لكل نفسية فاسدة متناهية الصلاحية فنيا وأخلاقيا، فرق التربية كبير أوي بينك وبين الكابو حتى في الفكر الموسيقي والمعاملة مع الناس".
استطرد نجل "الشاعري": "والكابو كبير مقامه ومش بيرد عليك عشان هو أكبر من كده وأكبر منك بالذات ودايما بيقولي ما تردش على حد، لكن ولاده كبرو ومش حيسمحو إنك تقطع في أبوهم هو حضرتك بجد فاكر إن حميد هو اللي بوظ المزيكا في مصر؟؟، المقسوم اللي حضرتك بتتكلم عليه هو الواكل بقاله 30 سنة مع كل الفنانين".
اقرأ أيضًا: كشف حقيقة إصابة الفنانة يسرا بسرطان في الدم.. خاص
قال أيضًا في رسالته لـ حلمي بكر: "وهو سر الاستمرارية والنجاح مفيش ألبوم بينزل غير ومقسوم الكابو رانن في الودن.. لما مذيع صابغ شعره أبيض وفي اللفة يسألك سؤال زي ده".
وأضاف نديم الشاعري عبر صفحته الشخصية بموقع فيس بوك: "والمفروض ردك يبقى تربوي قبل الفني أنه إزاي يسأل السؤال بالطريقة دي".
واختتم قائلًا: "لكن حضرتك كنت هتطير من الفرحة عشان السؤال في تقليل للكابو حاول يا أستاذ حلمي تكسب الناس عشان الدنيا فانية متبقاش خسران السيرة الطيبة وكمان الناس".
