”كفاية ياجدو”.. عمرو مصطفى يوجه رسالة نارية إلى عمرو دياب
وجه الملحن والمطرب عمرو مصطفى، رسالة شديدة اللهجة إلى الهضبة عمرو دياب، من خلال منشور دونه على حسابه الشخصي، عبر موقع تبادل التواصل الاجتماعي فيسبوك.
وكتب عمرو، خلال المنشور: رساله لجدو، هتبعت ناس ولجان تشتم علي الصفحة ولا هيهز شعره مني فلوس بترميها في الأرض، هتبعت ناس تقول صوته وحش ملكش دعوه أنا هغني وصوتي وحش، هتروح تخلي ناس تسرب الأغاني هطلع أفضحك وساعتها هتكون نهايتك بجد.
وتابع: هتجيب عيال بفلوس تعمل فيديوهات إن الأغاني وحشه هتنجح غصب عنك لأنها من القلب، هتقول فين المشاهدات هقولك ملكش دعوه أنا بعمل الأغاني لنفسي ومش هدفع فلوس زيك يا جدو علشان الناس تشوفني ١٠٠٠٠٠ علي الفيسبوك بشرف أحسن من ملايين مزيفين يا جد.
وأشار: وفي الآخر اتقل علشان الجاي صعب، نسيت إنك بعت ناس للموزعين اللي بشتغل معاهم في الخارج علشان إنت قلوده قوي، بس لما تنزل معاهم هفضحك عادي.
أقرأ أيضًا: نجوم يعودون إلى السينما بعد غياب سنوات.. أبرزهم أحمد مكي
