الرياضة

مشجع أهلاوي يكشف عن لفتة إنسانية لـ«وليد سليمان».. صورة

الأربعاء، 3 أغسطس 2022 01:30 مـ بتوقيت القاهرة

كشف إسلام محمد، أحد مشجعي النادي الأهلي، عن لفتة إنسانية لوليد سليمان، لاعب الفريق الأول لكرة القدم بالقلعة الحمراء، تجاهه خلال إحدى المباريات.

وسقط الفريق الأول لكرة القدم بالنادي الأهلي، في فخ التعادل السلبي أمام المقاولون العرب، في المباراة المؤجلة من الجولة الحادية والعشرين من مسابقة الدوري.

لفتة إنسانية لوليد سليمان

كتب إسلام محمد، عبر حاسبه الرسمي: "الناس اللي كانت عايزة تعرف الحاوي كان بيتكلم معايا في إيه في ماتش المقاصة، كابتن وليد سليمان كان بيسألني الكرسي بتاعي فين قولتله في تصليحات بسيطة، وإن شاء الله هيبقى جاهز، قالي خير إن شاء الله".

وتابع: "في ماتش المقاولون وفي عز الشوط الثاني، وعز ما الواحد هيولع من اللي في الملعب، جه جنبي وقالي يا إسلام الكرسي هيجيلك كمان يومين، والله العظيم حتى ما بصيتله، قولتله ماشي يا كابتن، طبطب على كتفي ومشي".

واختتم: "النهاردة قصدي امبارح اللي هوا يوم الاثنين، صحيت على التليفون بيرن، لقیت محمود عامل الملعب بيقولي كابتن وليد سليمان عايزك، قومت معرفش أصلا قاعد على كرسي إزاي ولبست أزاي، روحت لقيت كابتن ولید جايبلي الكرسي، وقالي عشان تتحرك وتلف وراء الفريق زي ما أنت متعود، شكرا كابتن ولید، شكرا یا حاوي".

موعد مباراة الأهلي وفاركو

تنطلق مباراة الأهلي وفاركو في الدوري المصري الممتاز، في تمام الساعة التاسعة مساءا بتوقيت القاهرة، والعاشرة بتوقيت مكة المكرمة.

ترتيب الأهلي في الدوري

يحتل الأهلي المركز الثالث في جدول ترتيب الدوري المصري برصيد 55 نقطة، جمعها من 26 مباراة بعدما حقق الفوز في 16 مباراة وتعادل في 7 مباريات وخسر 3 مباريات.