التقارير

«مش هكرر غلطة أهلي».. طلاب يرفضون الالتحاق بكليات القمة رغم تفوقهم

الإثنين، 8 أغسطس 2022 06:45 مـ بتوقيت القاهرة

بعد الإعلان عن نتيجة الثانوية العامة 2022، وتخطي مرحلة عنق الزجاجة، رفض بعض الطلاب الحاصلين على الدرجات المرتفعة، دخول أي من كُلْيَة الطب أو الهندسة، ومن بينهم الأول على الجمهورية علمي رياضة الذي رفض دخول الهندسة.

تواصل "الطريق"، مع طلاب الثانوية العامة 2022 المتفوقين والحاصلين على درجات مرتفعة من أجل التعرف على دوافع رفضهم لكليات القمة:

ضغط المصاريف على الأهالي

تقول "سارة.م" طالبة ثانوية عامة 2022 من محافظة الشرقية: "حصلت على 93% علمي علوم لو جالي في التنسيق كِلْيَة الطب مش هدخلها مش هقدر اتحمل الضغط تاني"

وواصلت سارة حديثها لـ"الطريق": "لابد أن أخفف ضغط المصاريف على أهلي وهدخل صيدلة أو علوم".

مش عايزين ضغط تاني

من جانبه قال عمر خيري طالب ثانوية عامة علمي رياضة من محافظة الإسكندرية حاصل على 90%: "كل عيلتي مهندسين وشوفتهم قد إيه تعبو في الجامعة ومفيش شغل، وأنا عمري ما هعكرر غلطتهم أبدً"

مش عايز أكون مهندس

فاجأ أحد طلاب الشعبة الرياضية الجميع، ويدعى حسين كمال حاصل على 94%: "جبت مجموع عالي ومش هدخل هندسة علشان مش عايز أكون مهندس ودخلت شعبة رياضية عشان خاطر أهلي.. هدخل تجارة عشان أكون محاسب".

الحصول على نتيجة الثانوية العامة 2022

ويذكر أن نتيجة الثانوية العامة 2022 تظهر على شكل درجات كل مادة بمفردها، بالإضافة إلى حالة نتيجة الطالب إذا كان الطالب ناجحًا أو راسبًا أو لديه دور ثاني، ذلك بجانب ظهور المجموع الحاصل عليه الطالب في الثانوية العامة 2022 بالدرجات وليست بالنسبة المئوية.