بلمسة ساحرة.. شابة مصرية تحول الأثاث المتهالك لعفش جديد…صور

لم ترَ الشابة المصرية «هبة نجم» من الأثاث المتهالك عفشًا باليًا بل وجدت فيه تحفة يمكن تحويلها بلمسة سحرية إلى لوحة فنية.

تحكي هبة ابنة محافظة أسوان لموقع جريدة الطريق عن بداية رحلتها في تحويل الأثاث المتهالك إلى عفش جديد ومذهل "بالتنجيد»، حتى أنها أسست مجموعات مذهلة من الأثاث من قطع مختلفة.

بداية الفكرة

تقول هبة: "بدأت فكرتي مع جارتي كانت عايزة تصلح ركنة بايظة خالص وانا عرضت عليها أصلحها لها وبعد ما قربت اخلصها تعبت تعب جامد وعملت استئصال رحم ووقت العملية قالت لي مش عايزة الركنة انا عايزة فلوسي بعد ما تعافيت شوية خدتها علشان اظبطها وابيعها رجعت رفضت الفلوس وخدت الركنة تاني ده أول سبب خلاني أجرب واستمر لغاية ما عملت الشغل الحمدلله".

صعوبات واجهت هبة لتحقيق حلمها

تقوم هبة بعمل "التنجيد" وتجديد الأثاث كله بيديها وبمساعدة أولادها، تقول: "بشتغل على أي حاجة قديمة وبيكون قدامي حاجات بتمني اخدها واحولها بس مشكلتي ما فيش مكان ولا سيولة مناسبة انا اكلف واعرض للبيع".

فبالنسبة للشابة المكافحة فإن "حالة القطعة بتفرق في تجديدها وتكلفة تحويلها لحاجة قيمة"، "وفكرة إني عندي خشب قيم وغالي ليه أفرط فيه بثمن بخس مادام ممكن ارجعه جديد بنص تمن الجديد".

كفاح وأمل

ورغم ما واجهته هبة من نقص الدعم وعدم توافر السيولة والمكان المناسب من أجل العمل على قطع أكثر وأكبر إلا أن هذا لم يقف عائقًا أمام تحقيق حلمها والاستمرار فيه، وتشكيل أجمل قطع أثاث بلمساتها الساحرة والمبدعة.