بوسي: «متطلقتش ومعرفتش إن أبويا مات غير بعد الدفن بيومين»
قالت المطربة بوسي، إنها لا تحب الحديث عن حياتها الشخصية على منصات التواصل الاجتماعي، موضحةً: "أنا مبحبش أرد على الشائعات ومش هرد على حاجة، أنا بتكلم عن شغلي بس".
وتابعت: "اتفقت مع وجي على أن يرد طليقته لأني عارفة قيمة الضنا، وأولاده صحاب ابني، ولما اتجوزنا كان منفصل عن مراته من فترة وعمري ما هتجوز راجل على ذمته واحدة تانية".
وأضافت في مداخلة هاتفية مع الإعلامية بسمة وهبة مقدمة برنامج "90 دقيقة"، على قناة المحور: "الناس بتشتمني وبتغلط فيّ من غير ما تعرف عني حاجة أو تتحرى عني، ولا أفهم سر انشغال السوشيال ميديا بحياتي الشخصية".
وتابعت: "اللي بيقول باباها ميت غضبان عليها، إيش عرفك؟! أنت كنت من بقية أهلي، ليه بتدعوا الكلام؟! المشكلة إن الكلام من زمايلي اللي واكلين عليّ عيش وملح، الكلام ده طلع من زميل ومش هقول اسمه زعلان مني عشان معزمتهوش على الفرح".
وواصلت: "الناس ايه اللي عرفها إن في مشاكل، انا متطلقتش وحياتنا مستمرة ومسحتش صورنا مع بعض، ومنزلتش غير صورنا في الفرح، والله العظيم ما مسحت صورنا، أمسحها ليه؟! حياتنا تخصنا مش تخص حد تاني، وبالنسبة لأبي، فقد تصالحت معه قبل وفاته ولم أعلم بوفاته إلا بعد الدفن بيومين".
اقرأ أيضًا: بعد حذف البرومو وغضب الجمهور.. حقيقة إلغاء برنامج إيمي تاتو (خاص)
