«ربنا يزيدك كرامات».. جمال شعبان يسخر من سماح أنور بسبب عدم شرب المياه
رد الدكتور جمال شعبان، أستاذ أمراض القلب، وعميد المعهد القومي للقلب سابقا، على تصريحات الفنانة سماح أنور الأخيرة بعدم تناول المياه لمدة 17 سنة.
جمال شعبان يعلق على عدم شرب المياه
وقال "شعبان"، في منشور له عبر صفحته الشخصية على موقع التواصل الاجتماعي "فيس بوك": "يا نجمة دي يمكن كرامة خاصة بحضرتك ربنا يزيدك بركات وكرامات لكن الأشخاص العاديين اللي زينا ما يقدروش يستغنوا عن الميه".
وأضاف الدكتور جمال شعبان: "لأن جسم الإنسان ٦٠٪ من وزنه ميه و٩٠٪ من الدم ميه والواحد محتاج ٢ لتر مياه يوميا على الأقل وأقصى مدة يحتملها الإنسان بدون ميه بضعة أيام ٣ إلى ١٠".
وتابع عميد معهد القلب سابقا: "ولو وقفنا في الهواء بدون شرب الميه الجلد عندنا هينشف مش هيمتص ميه قال تعالى "وجعلنا من الماء كل شيء حي".. إنهم يدعون إلى طب جديد".
اقرأ أيضًا: «صيادلة القاهرة» تحذر: أدوية الإنترنت بها سم قاتل
سماح أنور: "بقالي 17 سنة مشربتش مياه"
وكانت الفنانة سماح أنور تحدثت خلال لقائها في برنامج "كلام الناس" من تقديم ياسمين عز، المذاع عبر قناة mbc مصر، قائلة: "بقالي 17 سنة مشربتش مياه، لازم ميبقلهاش طعم ولا ريحة، ولما باخد منها بضايق وبطني بتوجعني".
أضافت: "مش لازم بس نشرب المياه، إحنا بناكل فاكهة وبناخد منها المياه ودي السكريات اللي بيحتاجها الجسم طول الوقت، ولو وقفت في الهواء الجلد بيشرب الرطوبة اللي في الهواء".
وتابعت: "البيزنس الأمريكاني بيقول أشرب مياه طول الوقت، وكل اللي شرب تعب، دا مش طبيعي، الطبيعي إن الجسم عاوز حاجة أديهاله".
اقرأ أيضا: أسعار تذاكر حفل حمزة نمرة في مركز المنارة.. تبدأ من 2500 جنيه
