بعد إهانة والده.. أحمد فلوكس لـ”محمد رمضان”: ”أخلاقك أخلاق صبي الرقاصة”!
شن الفنان أحمد فلوكس هجوم حاد على زميلة الفنان محمد رمضان، وذلك بواسطة حسابه الخاص بموقع التواصل الاجتماعي "فيسبوك"، وكان ذلك بسبب تصريح رمضان حول انتقاد دور والده الفنان فاروق فلوكس بشخصية شفيق ترتر "صبي الرقاصة" بفيلم "الراقصة والسياسي".
أحمد فلوكس يرد على محمد رمضان
وكتب أحمد فلوكس ردًا على محمد رمضان قائلًا: "شوف يا حماده، انت ترفض إنك تعمل دور صبي رقاصة لأنك دايمًا نمبر وان، فأكيد هتبقى عينك على دور الرقاصة نفسها، مش الصبي بتاعها، وبعدين مش شرط تعمل دور صبي رقاصة، ممكن تكون نجم كبير بس أخلاقك أخلاق صبي رقاصة، وانت ما شاء الله ناجح في ده جدًا وبتعمله سهل وانت عريان ما دريان، نمبر وان بقى يا سيدي، زي بالظبط ما يكون واحد مسجل نشل، استحالة يحلم أن يكون أمين شرطة، حلمه هيكون أكبر من كده، هيكون نمبر وان".
وأضاف فلوكس، "أنا والدي عمل دور صبي رقاصة لأنه بيعشق التمثيل والأدوار الصعبة، والحمد لله إنه ربى رجل بيحترم نفسه وبيحترم اللي بيقدمه للناس، وبيحترم بلده، ودمه فداء ليها، لأن شعب بلده هم اللي عملوه فلازم يقدملهم أحسن حاجة، وبحمد ربنا أكتر وأكتر، إن ما خلفش واحد مسجل نشل لأن المسجل هتكون أقصى طموحه أن يكون أسطورة، وهيرقص برضه بس عريان".
محمد رمضان يسخر من الفنان فاروق فلوكس
ويذكر أن محمد رمضان أدلى بذلك بتصريحه الذي ينتقد من خلالة دور الفنان فاروق فلوكس خلال لقائه عبر شاشة قناة النهار ببرنامج الإعلامية "نجوى إبراهيم" قائلًا: "فى فنان كبير عمل أشياء أرفض أن افعلها، وكان بيعمل أدوار صبي عالمة ولو هشحت مش هبقي زيه، رغم أن هذا الفنان قدير".
اقرأ أيضًا.. محمد محسن يشوق متابعيه لطرح أحدث أغانيه ”ضي القمر”.. غدا
