نهاد أبو القمصان تعلق على لائحة الزي الجامعي: «إحنا مش مع الأبلة نظيرة»

ضجت مواقع السوشيال ميديا ببعض المنشورات التي تفيد بالزي الجامعي ولائحة دخول الحرم الجامعي، وأن هناك معايير يجب اتباعها عند دخول الجامعة لا يمكن التخلي عنها، هذا الأمر الذي أثار جدلًا واسعًا بين جميع الطلاب، معقبين أنهم بهذه الأساليب يشعرون بأنه لا يوجد ثقة بأخلاقهم.

منظور تفتيشي

علقت المحامية نهاد أبو القمصان، رئيس المركز المصري لحقوق المرأة، على هذه القائمة قائلة: "بعض الجامعات أصدرت لائحة للملابس ودا غريب شوية.. لأن المتعارف عليه في العالم أن نحط لائحة للملابس المطلوبة لأماكن العمل حسب المهنة.. بسيط واللارسمى واللارياضى يعنى كاجول واللا نص فورمال واللافورمال.. دا للشغل مش للجامعات".

وتابعت أبو القمصان على صفحتها الرسمية بموقع التواصل الاجتماعي "فيسبوك": "طبعا جامعاتنا سابقة عصرها فوضعت الممنوعات مش من ( منظور مهنى ) استعداد للمستقبل المهنى.. لاء حطت ( منظور تفتيشى ).. يعنى من وجهة نظر الأمن الإدارى اللى على الباب زى ( أبلة الناظرة ) فى المدرسة الابتدائى.. هما اللى يقرروا البنطلون دا ضيق واللا واسع فيدخل الشاب واللا نرجعه لأمه تربيه".

وأضافت رئيس المركز المصري لحقوق المرأة: "الفستان دا طويل واللا قصير ندخل الشابة والا نرجعها لأبوها يربيها.. الجينز دا مقطع ينفع واللا لاء.. حاجة كدا زى ( جماعة الأمر بالمعروف اللى لغتها السعودية 2019 )".

وأعربت المحامية: "ودا الحقيقة مزيد من الرقابة على طلبة الجامعة كأنهم أطفال وما يساعدش نعمل مجتمع ناضج ويعكس عدم فهم دور الجامعة أصلًا.. هتغيب هتسقط.. دور الجامعة تعلم ولادنا وبناتنا أنهم كبروا خلاص مفيش زي مدرسي ولا حضور وغياب ومفيش استدعاء ولى أمر.. كل واحد يتحمل مسئولية نفسه".

الجامعة تحضير للمستقبل

وواصلت: "فكان الأولى نعلم البنات والأولاد من أول يوم يعنى إيه جامعة.. وإنها تحضير للمستقبل وسوق العمل وقواعد التعامل المهنى مع بعض علشان نتجنب التحرش والعنف.. وعلاقة اللبس بالمهنة علشان شكلنا يكون لائق.. مفهوم اللياقة والشياكة فى السلوك والتعامل والمظهر".

وأوضحت: "وممكن فى الحالة دى نحط لائحة ( ملابس مهنية ) مش لائحة ( محاكم تفتيش ) تقيس البطلون ضيق قد ايه والفستان طوله كام سنتى.. ودا بنسميه ( لائحة مهنية للملابس ) زى كدا زى المحامين رسمي.. زي الرياضيين رياضى والسباحين المايوة.. المهندسين الميدانيين كاجول.. المهندسين المكتبيين نص فورمال.. ونعلم المتقدم للعمل يسأل نوع اللبس فى المكان ايه؟. يعنى عندى فى المكتب ممنوع الجينز لا كلاسيكى ولا مقطع..علشان المحامين يتعودوا وما اشوفش حد فى المحكمة بجينز وكوتشى.. وهنا بنسميه قواعد مهنية للملابس".

واختتمت: "لكن اللى شفته دا قواعد مطاطة ومتغيرة وفيها تعامل على مزاج ( أبلة الناظرة ) زي أبلة الناظرة اللى عملت مشكلة مع بنت لابسة فستان طويل وبكم فى امتحان .. فيالاترى بقى أبلة الناظرة لو شافت البنتين اللى فى الصورة دى اللى كانو بيمشوا عادى فى الشارع المصرى قبل النكسة الاخلاقية التحرشية.. هيعتبروا لبسهم مناسب والا قصير وغير مناسب".

اقرأ أيضًا.. في ذكرى الـ200 عاما.. مختص يكشف أسرار جديدة عن حجر رشيد