رامي إمام: «جبت للزعيم كلب صغير يلعب معاه»
تصدر الفنان عادل إمام محركات البحث على جوجل بعد حديث نجله المخرج رامي إمام، عنه في مداخلة هاتفية مع الإعلامي عمرو أديب في برنامج "الحكاية".
وطمأن "إمام" جمهوره على والده بعد الشائعات الكثيرة التي خرجت مؤخرًا وزعمت مرضه وإصابته بالزهايمر.
وقال رامي إمام عن شائعات مرض والده: "إحنا اتعودنا على الشائعات من زمان جدًا وبقت جزء من حياتنا، وهو عودنا إننا منزعلش، وهو الحمد لله زي الفل وبيستمتع بحياته جدًا مع أحفاده، وهو عمل كل حاجة في حياته ويوم ما يكون هيعمل حاجة لازم تكون حلوة، هو بيقول لو عايزين أعمل حاجة هاتوا حاجة حلوة تعجبني، ولغاية النهاردة بنتكلم على الشغل، وصعب جدًا نختار موضوع لعادل إمام".
وأضاف: "وصل لمرحلة إنه بيقول أنا عملت كل حاجة في الدنيا، وجبت له كلب صغير وبيلعب معاه، وهو دلوقتي بيستمتع مع أحفاده، لأنه مشفناش في حياته كتير، وأكيد كلنا في وقت من الأوقات هنقول خلاص يا جماعة أنا هختار أعمالي ومش هنزل غير للعزيز الغالي، ومن حق عادل إمام إنه يعمل اللي هو عايزه، هو بيتابع الأخبار أكتر مننا، وبيقرأ جرائد، وبيحل الكلمات المتقاطعة".
وعن فيلمه الواد وأبوه قال: "الواد وأبوه الفكر طلعت لما قال لي أنا نفسي أعمل فيلم أنا ومحمد وأنت تخرجه، الفكرة لسه موجودة، ولكن مفيش أي تطور".
اقرأ أيضًا: في عيد ميلاد صفاء أبو السعود .. تعرف على حادث السرقة الذي كشف عن زيجتها ملياردير
من ناحية أخرى، تحدث رامي إمام، عن نجاح فيلمه "فضل ونعمة"، قائلا: "مش مطلوب من الكوميديان إنه يضحك، المطلوب منه إنه يمثل، ومن الدراما هتجيب الضحك، الفكرة حلوة مشاهد كتير في الفيلم فكرتها حلوة، إن زوجين يدخلوا يغنوا راب بالصدفة البحتة دي جديدة، كتابة الفيلم مهمة جداً، أنا بقالي فترة كبيرة جداً مشوفتش مخرج ماشي ورا الفيلم بالشكل ده".
