دينا المصري: «اتعاكست من 4 شباب وواحد منهم مات على المحور»

تعرضت المطربة دينا حسين إلى معاكسة من شباب على إحدى الطرق السريع، ما جعلها تتوتر، وبعد دقائق من معاكستها، فوجئت بتعرضهم إلى حادث كبير.

دينا المصري تكشف تفاصيل حادثة الطريق السريع

روت دينا المصري عبر حسابها بموقع التواصل الاجتماعي "فيس بوك"، تفاصيل الواقعة التي تعرضت لها، وقالت: "ماشية مروحة على المحور وجنبي يمين وشمال موتسيكلين عمالين يعاكسوا ويحدفوا عليا لما فعلًا كانو هيقلبوني".

وأضافت: "هديت حركتي، وهما طولوا لأنهم كانوا سراع جدًا وشوية وأنا ماشية على نفس طريقي لقيت الموتسيكلين مقلوبين وكان عليهم أربع شباب في عمر أقل من ٢٠ سنة، كلهم صغيرين وواحد ميت على الأرض وسايح في دمه وصحابه عمالين يولولوا".

اقرأ أيضًا..

حفيد الراحل محمود ياسين: «بيقولولي هتجيب نفسك لجدك»

شباب يعاكسون المطربة دينا المصري

وتابعت: "أنا من صدمة المشهد إيدي فضلت تترعش على الدريكسيون، والله ما عارفه إزاي روحت بيتي، كان فيها إيه لو تمشوا عدل على الطريق ومتستظرفوش، ملعون أبو اللي رباكم بالشكل ده، آخرة تهريجكو واحد منكم ملوش ذنب ولا أهله ليهم ذنب يروح في لمح البصر قدام عنيكم كده يروح كده وسطكم".

واختتمت: "الله يرحمك ويسامحك ويصبر قلب أهلك يارب، ياجماعة أبوس إيديكم بلاش تهريج على الطريق بلاش في حاجات ملهاش كبير والله، قلبي مقهور عليك يابني أقسم بالله وكان زماني مكانك لولا ستر ربنا منكم، فوقوا بقى فوقوا أبوس إيديكم".

أغنية دينا المصري الجديدة

وعلى جانب أخر تألقت دينا المصري مؤخرًا بأحدث أغانيها والتي تحمل اسم أبان أقوى، من كلمات هشام صادق وتوزيع وألحان زيزو فاروق.