«أنتم مستغربين ليه؟».. أبوالقمصان عن رجوع شيرين لحسام: «اللي بيشيل قربة مخرومة بتخر على دماغه»

أثارت الفنانة شيرين عبد الوهاب الجدل على مدار 4 سنوات منذ بداية زواجها من الفنان حسام حبيب، حيث شغلت الرأي العام واهتمام الشعب المصري بسبب كثرة المشكلات والخلافات التي تتعرض لها مع حبيب، وكان آخرها إعلان عودتها لطليقها الفنان حسام حبيب أول أمس بعد خروجها من المستشفى لعلاجها من الإدمان.

وفي هذا الشأن علقت المحامية نهاد أبو القمصان، عضو المجلس القومي لحقوق الإنسان ورئيسة المركز القومي لحقوق المرأة على قرار رجوعها قائلة: "طيب وأنتم مستغربين ليه؟! دا إحنا بنشوف الكلام دا كل يوم؛ من امتى الست المتعرضة للعنف من جوزها بتسيبه؟ دا لو سابته أنتم اللي بتقولوا عليها قليلة الأصل".

وتابعت من خلال فيديو لها على صفحتها الشخصية بفيس بوك قائلة: "شيرين ضحية عنف من كل الأطراف من حسام اللي بيستغلها وبياخد فلوسها ودا بنسميه عنف اقتصادي وفوق البيعة خلالها تدمن كمان، وأهلها عملوا إيه في المقابل احتوها لا بالعكس دا ضربوها وودوها المستشفى واللي واصل لشيرين إن الحماقة دي كلها على فلوسها وكل دا هما قالوه ونشروه على الإنترنت".

واستكملت قائلة: "الست اللي بتبقى واقعة تحت العنف المزدوج دا المفروض لو هي شخصية قوية ومستقلة ترجع خطوتين لورا".

وأجابت أبو القمصان على سؤال هل شيرين تقدر تعمل دا؟ بـ "لا متقدرش تعمل دا عشان شيرين ست بسيطة وخارجة من طبقة اجتماعية بسيطة فعندها القوة النفسية اللي تخليها تقدر تعمل دا".

وخاطبت المتابعين خلال الفيديو قائلة: "شيرين عارفة إن الخناقة على فلوسها مش عليها فهي بتدور على الحاجة اللي بتسعدها بقى، أنتم زعلانين ليه بقى بتمارسوا وصايا عليها ليه وبتقولوا أصلها خسرت أهلها هما أهلها دول داعمين ليها يعني هما دول السند يعني".

وتابعت: "مشكلة الشعب المصري إنه ديما بيمارس الواصيا على بعض باسم الحب، سواء كان بقى على ابن ولا بنت ولا زوج ولا زوجة هي واحدة عدت ال40 سنه تقدر تاخد قرارات وتتحمل نتائجها، واللي بيشيل قربة مخرومة بتخر على دماغه، محدش بيجبر حد على حاجة دلوقتي والحالات دي متكررة طول الوقت".

اقرأ أيضا: «فين بناتها؟».. نهاد أبو القمصان تهاجم شقيق شيرين عبد الوهاب