حسين فهمي: مهرجان القاهرة السينمائي سيتبنى فكرة ترميم الأفلام
تحدث الفنان حسين فهمي عن مهرجان القاهرة السينمائي على هامش حفل الافتتاح للدورة 44 من المهرجان.
وقال الفنان حسين فهمي: "عندنا تحديات كتيرة عندنا حرب في أوكرانيا وتوتر في شرق آسيا وكوب 27، وبنعافر عشان نطلع انهاردة وعندنا أفلام مميزة بتمنى الناس تتابعها، عندنا لجنة تحكيم قوية وورش والمخرج بيلا تار هيكون متواجد وهيعمل ورشة تدريس مجموعة محاضرات أنا هحضرها".
وعن استعدادات المهرجان، قال: "عندنا كراسي مخصوص عشان يتحركوا معانا على السجادة الحمراء والألومبيات الخاصة، وقللنا المطبوعات الورقية والبلاستيكية ومعانا عربيات بالكهرباء والأفيش بتاعنا بيدل على الثقافات المختلفة".
وعن المكرمين، أضاف: "اختيار المكرمين يتم على أساس تاريخ كل شخص وهو قدم إيه للسينما ولبلبة فنانة ومجتهدة وتستحق التكريم طبعًا".
وعن ترميم الأفلام القديمة، قال: "ترميم الأفلام مهمة هيتم تبنيها في الدورات المقبلة للمهرجان وأنا بحب السينما منذ الصغر، والفكرة مكلفة جدًا، والدنيا اتغيرت وإحنا بنحول الفيلم إلى ديجيتال عشان يعيش السنوات المقبلة، وابتديت بفيلم يوميات نائب في الأرياف، ولكن بعد وفاة صديقي علي عبد الخالق قررت أعمل فيلم أغنية على الممر".
اقرأ أيضًا.. موعد عرض حفل افتتاح مهرجان القاهرة السينمائي 2022.. اعرف القنوات الناقلة
