سيبيه مركز.. ياسمين عز للزوجات: بلاش الأسئلة دي في المونديال

وجهت الإعلامية ياسمين عز، رسالة للسيدات، تكشف فيها طريقة التعامل مع الرجل في بطولة كأس العالم 2022.

وقالت ياسمين عز، خلال برنامجها "كلام الناس"، المذاع على قناة إم بي سي مصر: "سيبي جوزك طول الشهر في حالة روقان مع نفسه وبلاش الأسئلة التقليدية اللي بتعمل تصلب في الشرايين".

وأضافت ياسمين عز: "آخر 5 دقايق في الماتش لو طلبتي من الراجل عينيه هيديهالك، ولو جوزك أهلاوي وقالك يا علولو كده يبقى بيدلعك مش ناسي اسمك".

واختتمت حديثها: "سيبي جوزك مركز في اللي مركز فيه وبلاش تخرجيه من المود، واوعي تعصبي جوزك بالأسئلة بتاعتك، وحاولي تشاركيه اهتماماته في الكرة واقعدي جنبه وشجعي بدون مبالغة أو أفورة".