والد ياسمين صبري عن ابنته: «قولت هتشتغل شوية وتقعد عشان مبتحبش الالتزام»

تحدث والد الفنانة ياسمين صبري عن نصيحة الفنان محمود عبد العزيز لها قبل ذلك بأن تبتعد عن التمثيل، قائلًا أنه كان يتوقع أن تترك التمثيل بسبب عدم إلتزامها في أى عمل.

وقال أشرف صبري، من خلال لقاءه في برنامج "قعدة ستات" مع الإعلامية مروة صبري عبر شاشة "القاهرة اليوم": "متضايقتش من نصيحة الفنان الراحل محمود عبد العزيز لياسمين بأن تبتعد عن الوسط الفني، لإني كنت متوقع إنها هتشتغل شوية وبعدين تشوف حاجة تانية".

وتابع: "ياسمين مكنتش مستقرة، ولما كانت بتشتغل في مكتبة الإسكندرية كانت متضايقة وبتقول إنها مبتاخدش حاجة، وكنت بقولها إتعلمي إنتي لسه بتطلعي واحدة واحدة".

وأضاف: "وبعدين تركت العمل واشتغلت في شركة محمول، وكمان كانت بتزوغ من الشغل ومتعرفش إزاى كانوا بيجيبوا مكانها من الموبايل، وكانت بتكلمني تقولي هما بيجيبوا مكاني إزاى وعارفين إني قاعدة في النادي، هى مش بتحب الإلتزام ومش بتحب المكتب والقاعدة والشغل".

اقرأ أيضا.. في عيد مولدها.. 3 نجاحات لـ هند صبري في عام 2022