أحمد مجدي: ”بسبب كثرة الأفلام الجيدة أصبح هنا جائزتين وليست جائزة واحدة”

تحدث الفنان أحمد مجدي بصفته كعضو في لجنة تحكيم مهرجان القاهرة السينمائي، عن صعوبة اختيار الفيلم الفائز بالمهرجان.

وعن اختيار الأفلام، قال "أحمد مجدي": "المعيار الأساسي هو تقديم سينما جديدة وخاصة، بمعنى إنه ميبقاش فيلم متوقع أو بيقدم حاجة شوفناها قبل كده، لو المخرج بيقدم سينما ليها لغة جديدة علينا هو ده اللي بنبقى عايزين نشوفه، ان الفيلم يكون جديد سينمائيًا وقصصيًا، ومينفعش تكون القصة مكررة، لأنها لو اتعملت كتير هتبقى كلاشيهات، والمتفرج هيتابع وهو مش مستمتع إنه يشوف الباقي".

وعن رأيه في أكثر الدول العربية التي تطورت في السينما، أضاف: "سؤال صعب، لأن المجهودات ليها علاقة مش بالدولة ولكن بصناع الفيلم وهما بقوا متنوعين ومبقاش في الحالة المحلية المعتادة، ولأن الأفلام الجيدة كانت كثيرة استطعنا أن نقنع إدارة المهرجان بوجود جائزتين وليست جائزة واحدة".

اقرأ أيضًا.. في حفل ختام المهرجان.. حسين فهمي: ”قدمنا دورة مميزة خدت مننا مجهود شهور”