ليلى علوي: ”نفسي أرمم فيلم الزوجة الثانية والثلاثية لنجيب محفوظ”

على هامش حفل ختام مهرجان القاهرة السينمائي، تحدثت الفنانة ليلى علوي عن الأفلام التي تتمنى ترميمها وعن نجاح الدورة ال 44 من المهرجان.

وقالت "ليلى": "مبروك علينا الدورة، والسنة دي كان في أفلام كتير حلوة سواء داخل المسابقة أو خارجها، أنا شوفت أفلام كتير من الاتنين ليها صدى كبير، واستمعت بيها جدا، والله يكون في عون لجنة التحكيم لأن الاختيار صعب والمنافسة كبيرة بس إحنا واثقين فيهم".

وعن معايير اختيار الأفلام، أضافت: "أكيد الرؤية الفنية والمعايير الفنية، والأهم تكون لجنة التحكيم بالتصويت موافقة عليه، عجبنى فيلم السابحتان وفيلم الافتتاح وأفلام تانية كتير".

وعن أحلامها في الدورة القادمة، أتبعت: "مهرجان القاهرة السنوات اللى فاتت والسنة دي حقق حاجات كتير ولسه بقوته وجماهيريته، ومعنديش حاجة عايزة أشوفها جديدة في المهرجان، إلا نوعية الأفلام والتنظيم وترميم الأفلام".

وعن الأفلام التي تتمنى ترميمها، قالت: "أفلام كتيرة جدًا، إحنا عندنا ثروة كبيرة لازم نحافظ عليها، وعندنا أفلام كتيرة بتمنى أشوفها في التليفزيون المصري، لإن بقا فيه أفلام كتيرة جدًا مهمة إحنا مش بنشوفها، ولو هختار أفلام تترمم هختار الزوجة الثانية والثلاثية لنجيب محفوظ".

اقرأ أيضًا.. في حفل ختام المهرجان.. حسين فهمي: ”قدمنا دورة مميزة خدت مننا مجهود شهور”