المبلغ مفاجأة.. اعرف أول أجر يحصل عليه محيي إسماعيل
تحدث الفنان محيي إسماعيل عن رأيه في بعض الفنانين وعن أول أجر له، وذلك عبر فيديو نشرته صفحته القاهرة والناس على "تويتر" من حلقته من الإعلامية أسما إبراهيم.
تُعرض حلقة الفنان محيي إسماعيل في برنامج "حبر سري" يومي الخميس والجمعة القادمين، عبر شاشة قناة "القاهرة والناس"، في تمام الساعة الحادية عشر مساءً.
أحمد السبكي
تحدث الفنان محيي إسماعيل عن المنتج أحمد السبكي، قائلًا: "منتج كبير قوي، بيعمل حاجات ليها قيمة وياريت يركز في الخط الشعبي الحلو عشان عمل فيه أفلام جميلة جدًا".
اقرأ أيضًا.. أبرزهم «حكايات الماميز».. خالد سليم في حالة من النشاط الفني بثلاث مسلسلات
إلهام شاهين
وعن الفنانة إلهام شاهين، قال: "صدقت أو مصدقتش أول فيلم عملناه كان اسمه تحقيق قصة نجيب محفوظ، قالولى إنهم عايزين بنت جديدة فروحت المعهد وشاروت عليها، فأول فيلم ليها كان معايا، أنا بحبها وبعزها وهي جريئة بس محتاجة تهدى وتضبط انفعالاتها هي طيبة جدًا بس اللي في قلبها بتقوله".
محمود حميدة
وصف محيي إسماعيل محمود حميدة بأنه طول بعرض ماشي يهز الأرض، إنسان مثقف وطيب وواع وجميل.
اقرأ أيضًا.. استعدادًا لرمضان 2023.. صناع مسلسل ”الكبير أوي 7” داخل لوكيشن التصوير
رامز جلال
أما عن رامز جلال، أضاف: "الحقيقة أنا زعلان من رامز جلال، المفروض لما ييجي يعمل حلقة مع فنان زيي أو أي حد تاني يسأله إذا كان عيان أو لا، لأنه ممكن في لحظة ما الضيف يموت، في الحلقة بتاعتي معاه اتعرضت للموت لأني مبعرفش أعوم وهو مسألنيش وزقني في الماية وكنت بين الحياة والموت، بنصحه يكون واعي مع ضيوفه وبلاش الاستخفاف، لأن لو حد مات هتروح في ستين داهية".
هند صبري
وعن هند صبري، وصفها بأنها ممثلة جميلة ومثقفة، عملنا مع بعض فيلم الكنز بجزأيه الأول والثاني، وفكرتني بالجو الصحي اللي عشت فيه مع نجوم السينما زي نادية الجندي ونادية لطفي وسعاد حسني وهي واحدة منهم لكنها نجمة معاصرة.
اقرأ أيضًا.. بسنت شوقي عن مسلسل «بنون»: طرحت أفكار تجعله أكثر جرأة
أول أجر لمحيي إسماعيل
كشف الفنان محيي إسماعيل عن أول أجر له وهو 100 جنيهًا من الأستاذ رمسيس نجيب، وكان بداية الخيط لأول فيلم أعمله مع الفنانة سعاد حسني "بئر الحرمان".
مفيش غيري نمبر وان
قال الفنان محيي إسماعيل: "مفيش حاجة اسمها نمبر وان، ولكن لو لازم يكون في مفيش حد قلبي ولا بعدي نمبر وان، ولا يوجد من ينافسني ولن يوجد إطلاقًا".
