غادة عبد الرازق: «مبحبش أقف قدام الكاميرا غير في التمثيل ونفسي نعمل أفلام زى باب الحديد»
تحدثت الفنانة غادة عبد الرازق عن كرهها للوقوف أمام الكاميرا في غير التمثيل، وعن تمنيها لعودة السيدات لتقديم البطولات المطلقة، بالإضافة للعديد من الأسرار عن شخصيتها.
قالت غادة في تصريحات تليفزيونية لها: "أنا مبعرفش أقف قدام كاميرا إلا وأنا بمثل بس، أنا خجولة جدًا ومبحبش أظهر كتير والناس بتفتكر إني مش كده لكن الحقيقة إني خجولة جدًا".
وأضافت: "لما بكون ضيفة في برنامج ساعات بكون حادة في الكلام، وده مش بيعجبني، عشان كده بفضل لما أقف قدام الكاميرا أكون في شغلي وبمثل بس مش أى حاجة تانية".
اقرأ أيضًا.. تعرف على موعد عرض أولى حلقات مسلسل ”اتزان”
غادة عبد الرازق عن السينما النسائية
وتطرقت غادة بالحديث إلى رأيها في صناعة السينما للسيدات، فقالت: "نفسي الستات ترجع تعمل بطولات مطلقة في السينما، وياريت النجومية متبقاش متحددة بس على بطلة قدام بطل".
وتابعت: "الأيام دي بقا في أعمال كتير نجومها كتيرة مش بس نجم ونجمة ودي حاجة أنا حباها، وياريت نرجع نعمل أعمال زي جعلوني مجرمًا أو باب الحديد، أعمال تكون هادفة وفي نفس الوقت مسلية للجمهور".
حكاية "تحت الحزام"
تستعد الفنانة غادة عبد الرازق لعرض حكاية "تحت الحزام" من مسلسل "حدث بالفعل"، ويشاركها البطولة كل من سلمى أبو ضيف، يوسف عثمان، بسنت حاتم، ومن إخراج محمد هشام الرشيدي، وتجسد غادة دور طبيبة نفسية خلال الاحداث.
اقرأ أيضًا.. خالد سليم ودينا فؤاد ضيوف أمير كرارة في هذا الموعد.. فيديو
