أسما شريف منير عن طليقها: «احنا أقرب من اللي عايشين مع بعض»
حرصت النجمة أسما شريف منير، على كشف تفاصيل علاقتها بطليقها ووالد ابنتها الوحيدة لارا، ووجهت له رسالة خاصة وأعربت خلالها عن تقديرها الشديد له، وأكدت على أنهم أصدقاء فقط ولا وجود نية للرجوع مرة أخرى.
ونشرت المذيعة أسما شريف منير، عدة صور لها تجمعها بطفلتها وطليقها، وذلك عبر حسابها الشخصي على موقع التواصل الاجتماعي "إنستجرام"، وكتبت: "الفيديو اللي في سلايد رقم 3 (لارا) آخر واحدة فوق خالص لبسه لبس سانتا، وده كان رد فعلها أول ما شافتني أنا وبباها وعشان كده بكتب البوست ده".
اقرأ أيضًا فرح الديباني: الفيفا كان متردد من أداء السلام الوطني لفرنسا في المونديال
وأردفت أسما، وقالت: "عشان كل ما تيجي فرصة إني أتكلم في الموضوع ده بعمل كده، وعشان كل مرة بحس أن لو أب واحد أو أم واحدة سمعوني وراجعوا نفسهم وقرروا أنهم يتنازلوا عن كل الخطط والقضايا والمحاكم والخناق وفكروا قد إيه هما بينقذوا نفسية ومستقبل أولدهم مش هيترددوا لحظه أنهم يختاروا السلام".
وتابعت: "وكل مرة بنفهم أكتر عن نفسية بنتنا والتغيرات اللي بتعدي بيها وكل مرة بنتحد فيها أو بنكون موجودين في أهم لحظات حياتها بنشوف قد إيه بتكون سعيدة من قلبها ونفسيتها مرتاحة ودي أكتر حاجة بتفرقلها، أكتر من الهدايا واللبس واللعب”.
واستطردت: "وشهادة أبو بنتي أنه بيكون متواجد في كل حفلات المدرسة وكل مناسبة تخصها مش بيعمل زي رجالة كتير وسيبها عاليا، بالعكس ودي حاجة مهمة جدا، أن الأب مش دوره بس أنه يجيب فلوس.. كل حاجة الأب بيشارك فيها بتقرب الطفل خطوة لنفسية سوية أكتر".
وأضافت: "رغم أن الظروف مش عادية، ومش أب وأم عايشين تحت سقف واحد، بس يمكن نكون أقرب من اللي عايشين مع بعض، عشان بنحترم بعض وبنحترم مشاعر بنتنا وبنسمع لها بجد".
وأعربت أسما شريف منير، عن رأيها في التضحية بالعلاقات، وقالت: "التضحية الحقيقة مش إننا نستخسر في نفسنا أشياء عشان أولادنا لا.. التضحية المفيدة إننا نتنازل عن الانتقام اللي بيرضي غرورنا أو بيحسسنا إننا جبنا حقنا ونسيبوا على جنب ونعيش في سلام، ونتواجد في حياة أولدنا رغم عدم التكافؤ، لأن كل عيوبنا واختياراتنا اللي واجعة قلوبنا كله من تربية أهلينا لينا".
واختتمت أسما شريف منير رسالتها، قائلة: "ملحوظة احنا مش هنرجع ولا بنفكر في كدة خالص، بالعكس علاقتنا كدة هتستمر العمر كله إن شاء الله، لكن حقيقي الموضوع مش عن الرجوع خالص وعشان كده أنا بقولكم إنه ساعات العلاقات بتكون صحية أكتر كده بس المهم إننا نحاول دائما على إيجاد أحسن ظروف لنفسيتنا ونفسية أولادنا".
