ياسمين عز: «هو أنا لما أقولك احترمي جوزك يبقى وحش.. ولما يسخنوكي عليه كده رز بلبن؟»
علقت الإعلامية ياسمين عز على انتقاد البعض لها، خاصة بعد قرار طارق سعدة نقيب الإعلاميين، بإحالتها للتحقيق.
وقالت ياسمين عز، خلال برنامجها "كلام الناس"، المذاع على قناة إم بي سي مصر: "هو أنا لما أقول احترموا الزوج، الشقيان الغلبان التعبان، دي حاجة وحشة؟.. ولا لما يقوموكي على الراجل يبقى كده رز بلبن؟".
وأضافت: "خليلك الرز بلبن وخليلي أنا الحاجات الوحشة، هذا البرنامج الإطار العام له احترام كيان الأسرة، والقضاء على الندية والتطاول بين الأزواج، وترسيخ مبادئ الحرية والرحمة".
وتابعت: "حرية الرأي مكفولة للجميع لي ولكم، ولكن باحترام، بشكر من كل قلبي كل المحامين اللي تطوعوا للدفاع عني، رجال بلدي المحترمين، بحبكم".
