«أكبر من جوزي ب 8 سنوات ورفضت عمل بسبب مشهد».. أبرز تصريحات إلهام عبد البديع
تصدر اسم الفنانة إلهام عبد البديع تريند مواقع التواصل الإجتماعي، وذلك بعد لقاءها مع الإعلامية راغدة شلهوب في برنامج "نص الكلام"، وتحدثت إلهام عن العديد من الأشياء حول حياتها وزوجها الملحن وليد سامي.
وفي التقرير التالي نرصد لكم أبرز تصريحات إلهام عبد البديع مع راغدة شلهوب.
- أكتر حاجة بتضايقني من وليد إنه بيتكلم في وجود ناس، وده بيضايقني لإني ممثلة.
- وليد حاول عشاني كتير وكان متمسك بيا، بالرغم من إننا مكناش متفاهمين في الأول.
- أنا أكبر من وليد ب 8 سنين.. وأغلب أهالينا كانوا معترضين على جوازنا.
اقرأ أيضًا.. «والدتي قالتلي ابعد عن الغناء وبنتي صوتها حلو».. أبرز تصريحات أحمد زعيم مع ياسمين عز
- مينفعش دلوقتي أظهر في دور الابنة بسبب سني، وعشت نجاحات كتير في سن العشرينات.
- يوم فرحي كلمت تامر حسني وكان جاى بس الوقت اتأخر.. واتفاجئت بحماده هلال بالرغم انه كان مسافر.
- لما جدتي اتوفت عقلي مكنش مصدق خالص وحاولت انتحر وجالي اكتئاب، لإنها كانت كل حياتي.
- لما تعمقت في الشخصية في مسلسل ولاد تسعة، جالي اكتئاب بعد ما خلصت تصوير.
- الاكتئاب المرة دي كان أقوى من المرة اللى فاتت، وجالى شلل بسيط بس الحمد لله الدكتور أنقذني.
- قلت قبل كده لمحمد رمضان إني هشتغل معاه، بس السنة دي أنا هشتغل مع عادل إمام.
- نص الشعب حبني بعد دوري في طاقة قدر، والباقي حبوني بعد دوري في الزيبق، وكنت مختلفة مع كريم عبد العزيز.
اقرأ أيضًا.. 947 ألف جنيه إيرادات «نبيل الجميل أخصائي تجميل» في دور السينما أمس الجمعة
- ليلى علوي وإلهام شاهين تاريخ كبير، وليلى علوي أقرب لشخصيتي، وسبت شغلي كمساعدة مخرج عشان أكون ممثلة.
- أنغام هى مطربة مصر الأولي، وبحب أعمل أغاني أطلع فيها طاقتي وعشان مبقاش بعيدة عن الكاميرا.
- لما اتعرض عليا بطولة فيلم كبير مع مخرج كبير رفضت بسبب مشهد على السرير.
- أفلام الإغراء مبقتش زى زمان في مصر، والإغراء إما بحركة أو بصة بس أنا مبحبش أعمل الحاجات دي.
اقرأ أيضًا.. 680 ألف جنيه إيرادات «شلبي» في دور السينما أمس الجمعة
