«والدتي قالتلي ابعد عن الغناء وبنتي صوتها حلو».. أبرز تصريحات أحمد زعيم مع ياسمين عز
تصدر اسم المطرب أحمد زعيم تريند مواقع التواصل الإجتماعي، وذلك بعد ظهوره أمس كضيف في برنامج "كلام الناس" مع الإعلامية ياسمين عز، والذي يذاع عبر شاشة ام بي سي مصر، وتحدث زعيم عن العديد من تفاصيل حياته الشخصية، بالإضافة إلى حديثه عن كواليس آخر أعماله.
وفي السطور التالية نرصد لكم أبرز تصريحات أحمد زعيم في برنامج "كلام الناس".
- أمي الله يرحمها كانت أغلى حاجة عندي، وتوفت في وقت مكنتش بقدملها أى حجاة تقريبًا، ولما ربنا كرمني وحصلي نقله فنية ومادية بقول يارب لو كانت عايشة.
اقرأ أيضًا.. علي ربيع يبدأ تصوير «بعد الشر» الثلاثاء المقبل
- قبل ما والدتي تتوفى طلبت مني أبعد عن المزيكا، وكان بسبب إن الوقت ده مكنش بيجيلي أى حاجة، وكانت دايمًا تقولي إني بضيع وقتي ونفسي بس أنا كنت عارف نيتها.
- بعد أغنية يا عراف في ناس كتير افتكرتني أسباني وهندي، ودي حاجة حلوة عشان كل واحد من بلد افتكرني من بلده وده قربني من الناس.
اقرأ أيضًا.. بعد وفاة نجله.. حقيقة اعتزال جورج وسوف الغناء
- اتبسطت لما شبهوني بالمطرب الأسباني، وكان بيجيلي أسئلة كتير كل واحد يقولي هو انت اسباني هو انت عراقي وهكذا، وده كان بيفرحني.
- حصل مشاكل كتير مع مراتي عشان المعجبات، بس هى بتعذرني عشان طيبة وعشان ده شئ طبيعي، وقدام متوقع إنه يحصل كتير عن كده، وبقولها إن ده شعاع من بعيد ولازم تستعدي عشان إنتي لو نفسيتك وحشة هتأثر علينا كلنا وعلى البيت.
- بنتي عندها التيمبو حلو جدًا ماشاء الله، وشايف من وجهة نظري إنها هيبقى صوتها حلو جدًا، وممكن تغني في فترة الطفولة بس لما تكبر هبقى خايف عليها، لإني أنا شوفت كتير وأنا راجل ما بالك لو بنت، كل المطربات اللي على الساحة حصلهم ضغوطات ومشاكل كتير.
- واثق إن أى أب وأم بيزعلوا لو سمعوا خبر مش كويس عن بنتهم المطربة، ليه أنا أدخل بنتي في حاجة زى دى أصلًا؟.
اقرأ أيضًا.. «أعظم شخص شوفته في حياتي».. شريف رمزي يحيي الذكرى الـ8 لوفاة والده
