أحمد زاهر يكشف عن مدة مرضه: «موت ورجعت تاني للحياة»
كشف الفنان أحمد زاهر عن تفاصيل جديدة في أثناء مدّة مرضه لم يتحدث عنها مسبقًا، موضحًا أنه غاب عن الوعى تمامًا حتى اعتقد من حوله بأنه توفى، وذلك خلال مدّة مرضه بالغدة الدرقية التي أدت لزيادة هائلة في وزنة.
قال أحمد زاهر في لقاء تليفزيوني له: "في مدّة مرضي حصل ليا موقف صعب قوي، وهو إني موت ورجعت للحياة تاني وده حصل بجد وأول مرة في حياتي أحكي الموقف ده أو أتكلم فيه".
وتابع أحمد، قائلًا: "الوقت ده أنا كنت في عز مرضي وكان معايا كمال عطية وأحمد صفوت في البيت، ومرة واحدة حسيت إني بقع في بير وأنا قاعد ومكنتش حاسس بأى حاجة ومشوفتش غير حاجات سودا وفي ثانية انفصلت عن كل اللي حواليا".
اقرأ أيضًا.. أول رد من سمسم شهاب بعد شائعة الاعتزال: «الفن يرتقي بذوق الشعوب»
أحمد زاهر: ربنا إداني فرصة تانية عشان أصلح أخطائي
وأضاف: "مكنتش موجود في الواقع خالص، ومرة واحدة فوقت لقيت كمال وصفوت منهارين من العياط بشكل مش طبيعي وكانوا فاكرين إني خلاص مت، ولاقيت وشي أحمر جدًا من كتر ما كانوا بيضربوني عليه عشان أفوق، وساعتها حسيت إن فعلًا ربنا إداني فرصة تانية عشان أصلح أخطائي وأولها إني أقرب منه والحمد لله عملت كده لحد دلوقتي".
اقرأ أيضًا.. محمد سامي لـ منتقدي مي عمر: «الجمهور تقبلها وزعلانين إنها مش معايا السنة دي»
