سومة أمام محكمة الأسرة: «جوزي بيشتغل البنات»
"جوزي بيشتغل البنات وبقيت حسة إني قاعدة مع إنسان مش طبيعي" بهذة الكلمات رفعت "سومة" دعوى طلاق أمام محكمة الأسرة مصر الجديدة ضد زوجها.
قالت سومة في دعواها أمام محكمة الأسرة: "أنا وجوزي متجوزين من 8 سنوات وعندنا بنتين وهو علي مدار السينن اللي فاتت كان في نظري زوج مثالي وكان مخليني مش محتاجة حاجة ولا أنا ولا بناتي ربنا موسع في رزق جوزي ومديله شركة كبيرة وهو يبقي مديرها ده غير أنه وسيم جدًا وأي بنت بتتمنى الإرتباط بيه وبيتمني يكلمها وخصوصا البنات الصغير اللي هي في سن العشرينات وبيحسسهم إنه فتى أحلامهم".
اقرأ أيضًا: الداخلية تكشف حقيقة انفجار خط غاز طبيعي بالشرقية
وأكملت «سومة» في دعواها أمام محكمة الأسرة: "في يوم كنت قاعدة مع بناتي وجتلي مكالمة من بنت عندها 26 عامًا، وكانت منهارة وبتبكي ولما سألتها أنتي مين وجيبتي رقمي منين حكيتلي القهر اللي جوا قلبها وخلتني اتصدم فيه ومكنتش مصدقة، قالت ليا أنها عرفت جوزي لما راحت تقدم على شغل في الشركة الخاصة وأنه وقعها في حبه وفضل هو يحاول معاها أنه يقرب منها ويقولها أنه حبها من أول لحظة شافها فيها وهي بالفعل أنجذبت ليه وحبته".
وتابعت الزوجة في داعوها أمام محكمة الأسرة: "قالت لي إنها في قصة حب لحد ما في يوم طلب منها يتجوزوا عرفي ولو وافقت هيمسكها منصب داخل شركته وإنها هتبقى الدراع اليمين ليه لما سألته لية منتجوزش رسمي قالها عشان مراتي وعيالي خاطر ممكن تعمل مشاكل هنتجوز عرفي مؤقتًا وبعدين هيقلب جوازنا إلى رسمي".
واختتمت سومة: "طلبت من البنت دي أنها تبعتلي أي أثباتات وبالفعل بعتتلي ورقة العرفي اللي بينهم وروحت بيهم إلى المحكمة رفعت عليه دعوي خلع رقم 322 لـ2021، وفي الوقت ده كنت واجهت جوزي أني عرفت كل اللي هو بيعمله من ورايا وأنه راجل مش كويس، أنه يبقي في نظر الناس راجل مراته خلعاه حاول معايا بكل الطرق أنه يرجعني، وأنه بيقنعني أنهم بنات هي السبب وبتحاول معاه وأنه بريء مش أكتر لكن أنا للأسف كنت خلاص معايا الأثباتات اللي تخليني مصدقش كلامه تاني مهما قال ليا ومش بدعي في قلبي غير أن ربنا يجيبلي حقي وحق اللي ضحك عليهم منه لله دمر حياتي ومش خايف على بناته".
