دعاء فاروق لمنتقدي صورها: أي راجل هشوطه ومش بيفرق معايا

وجهت الإعلامية دعاء فاروق، رسالة حادة وقاسية لمنتقدي صورها التي تنشرها على مواقع السوشيال ميديا المختلفة.

الإعلامية دعاء فاروق ترد على منتقدي صورها

ردت دعاء فاروق، على منتقدي صورها من خلال منشور دونته على حسابها الشخصي، عبر موقع تبادل الصور والفيديوهات إنستجرام.

وقالت دعاء، خلال المنشور: "عشان نبقي على نور يا جماعة ومفيش ست تدخل تلاقي جوزها بيتهزأ عندي فتزعل".

وتابعت: "أي راجل هيدخل يعلق بطريقة غير لائقة ويمصمص لي شفايفه على أي صور لصديقاتي أو أخواتي أو صوري أو شكلي الراجل اللي هيفتحها ويبص عليها ويبدأ يلت ويعجن وينظر على شكل أو حجاب أو لبس هيتهزأ قدام أمة لا إله إلا الله".

وأضافت: "ملكش حكم غير على أهل بيتك وممنوع تدخل تنطق بحرف لا حلو ولا وحش في الحالتين بعمل بلوك".

وأشارت، إلى: "اللي بيتغزل أو بيقول كلام مايع بيتهزأ ويتعمله بلوك زيه زي اللي بينظر ويدخل يحاسبني إني بتاعت البرامج الدينية، ويقعد ينظرعلى شكل أي حد ويخرجنا من منظومة الأخلاق والدين اللي محاوطاه ومحاوطة أهله فقط، الاتنين هيتهزأوا ويتعملهم بلوك".

اقرأ أيضًا: كامل العدد.. طرح العرض الأول ل«كيرة والجن» في مهرجان روتردام السينمائي الدولي