بعد إهانة مرتضى منصور لوالده.. نداء عاجل من خالد مرتجي للمؤسسة العسكرية
رد خالد مرتجي عضو مجلس إدارة النادي الأهلي، على هجوم مرتضى منصور رئيس الزمالك الأخير، على الفريق عبد المحسن مرتجي رئيس الأحمر الأسبق.
وادعى مرتضى منصور أن الفريق عبد المحسن مرتجي، والد عضو مجلس إدارة الأهلي، كان سببًا في نكسة 1967 على مصر.
وكتب خالد مرتجي عبر حسابه الرسمي على موقع التواصل الاجتماعي "فيسبوك": "نداء إلى المؤسسة العسكرية المحترمة".
وتابع: "أتمنى وقفة سريعة كعهدنا بكم ضد الشخصية غير المسئولة، التي أهانت أحد أبناءها الشرفاء من رموز الجيش الوطنيين، الفريق أول عبد المحسن كامل مرتجي رحمه الله".
وقال مرتضى منصور في تصريحات عبر قناة "الزمالك": "أحمد موسى طالع يتنطط، واستضاف خالد مرتجي ويقول سيب التانيين يجعجعوا، أومال مين جاب النكسة لمصر مش اللواء مرتجي والدك".
وأضاف: "لموا نفسكم، أنا لامم نفسي يا أخي، وطلعت باركت للأهلي على الفوز في الماتش اللي فات، لكن يا مرتجي بتقول بنجعجع دي نكسة 67 بطلها والدك، إحنا في حالنا وبنتفرج على مهازل".
وكان خالد مرتجي، خرج بتصريحات تلفزيونية، قال فيها: "علشان نيتنا كويسة وعشان بنشتغل ومبنتكلمش كتير ومش بنمسك الحديدة ونقعد نقول كاني وماني ربنا بيكرمنا".
اقرأ أيضًَا: عضو إدارة الأهلي: «محمود الخطيب محترم غصب عن أي حد»
وتابع: "اتعودنا إننا منردش على السفاهات ولا نرد على أي حد، إحنا ناس بتشتغل وشغلنا ونتايج شغلنا هي اللي بترد على كل واحد مش عارف قدر الأهلي، ولا عارف قدر محمود الخطيب الأسطورة اللي عمل اسمه من نجيلة النادي الأهلي".
