عضو إدارة الأهلي: «محمود الخطيب محترم غصب عن أي حد»
علق خالد مرتجي، أمين صندوق النادي الأهلي، على انتصار فريق الكرة على سياتل الأمريكي في كأس العالم للأندية، وتأهله لنصف النهائي لمواجهة ريال مدريد الإسباني.
وقال مرتجي، في تصريحات عبر قناة "الأهلي": "مبروك للجماهير، ودا النادي الأهلي بناسه بجماهيره وإدارته ولاعبيه وجهازه الفني اللي على أعلى مستوى، الأهلي سبب فرحة الشعب المصري والأهلاوية على وجه التحديد".
وتابع: "لاعبو الأهلي وجهازهم الفني رجال والإدارة موفرة كل حاجة علشان يسعد الجمهور المصري، وإحنا عارفين ازاي الأهلي يسعد الجماهير، واللاعيبة عارفة الحمل اللي عليها علشان سعادة الجماهير، إحنا مش بعاد وربنا يكرمنا وشرف وإنجاز كبير اللي وصلنا ليه حتى الآن".
وأوضح: "محمود الخطيب عجلة الدفع بالنسبة لنا، من خلال جوده وسط اللاعيبة في المباريات والتدريبات، ويحتمل على نفسه الكثير، وإحنا اتعملنا دايما، عمرنا ما نرد والرد يكون بالشغل، الناس بتقول عدم الرد ضعف".
اقرأ أيضًا: كهربا: كرّرنا ”القاضية ممكن” أمام سياتل.. وطموحنا عبور ريال مدريد
واختتم مرتجي تصريحاته: "أنا بقولهم لأ، القوة إنك تشتغل وتحقق حاجة كويسة هو دا الرد، وربنا علشان عارف النية كويسة، والناس كلها بتشتغل على قلب رجل واحد، برئاسة المحترم الخلوق المحبوب غصب عن أي حد، فربنا بيكرمنا".
