محمد رمضان: «عادل إمام كان في سني وبيعمل مدرسة المشاغبين»
صرح الفنان محمد رمضان عن أنه مازال في بداية حياته، وأنه يشعر بتحامل وضغط كبير شديد من الجميع، موضحًا أن ما بينه وبين الجَمهور هو العمل والكلمة الطيبة.
تحدث محمد رمضان خلال ندوته في مهرجان الأقصر للسينما، قائلًا: "عادل إمام لما كان في سني كان بيقدم مدرسة المشاغبين، ودي حاجة لازم نلتفت ليها، أنا خلصت جيش من سنة بس وحاسس إن في ضغط كتير عليا، والناس بتقولي إنت لسه معملتش حاجة ولسه عايز أغسل وشي واشرب قهوتي وابدأ شغلي، عشان كده حاسس إن في تحامل عليا شوية".
اقرأ أيضًا: قبل أيام.. مواعيد عرض مسلسل «الأصلي» والقنوات الناقلة
تصريحات محمد رمضان
وأضاف: "من سنتين كنت بشوف إن البطولة هى إني لو اتحطيت في موقف أكون واقف صلب، وإنهارده لما عقلي نضج أكتر، شايف إن البطولة هى تلاشي المشاكل من الأساس والتركيز في شغلي، أنا لسه بتعلم".
محمد رمضان: بوعد جمهوري بالتغيير للأحسن
وتابع رمضان: "اللي بيني وبين الجمهور هو الشغل والكلمة الطيبة بس، لإني لما كانحد بيزعلني كنت برد بطريقة تخلي الناس تزعل مني، وأنا لسه بتعلم وبوعد الناس إنهم كل سنة إن شاء الله هيحسوا بتغيير للأحسن".
اقرأ أيضًا: مستعينًا بعبد الحليم حافظ.. محمد رمضان يبرر حديثه عن أنه الأعلى أجرًا
