الرئيس السيسي: دم شهدائنا في سيناء «مرحش هدر»
قال الرئيس عبد الفتاح السيسي لأمهات الشهداء :" الأبطال دول لما استشهدوا كانت الدنيا مش باينة وكانت كل الناس خايفة، وكل شوية نصحى على عمل إرهابي يحدث في سيناء، ودماء أبنائنا تنزف على هذه الأرض الطاهرة، وأرواحهم بتروح على عند ربنا».
وتابع الرئيس خلال كلمته مع أمهات الشهداء خلال الندوة التثقيفية، من احتفال يوم الشهيد قائلا:" أنا عايز افكركم أن مش بس احنا الي معاكم، ربنا هو اللي هيعوضكم، ربنا وحده سبحانه وتعالى هو اللي هيعوض أسر الشهداء، وربنا يبارك فيكم.. احنا بفضل الله النهاردة نقدر نقول الثمن اللي تم دفعه من أبنائنا في سيناء، على مدى 9 سنوات الحمد لله مرحش هدر، رغم أنها مكانة عظيمة كانوا بيسعوا لها واحنا الآن نعيش في أمن واستقرار بسببهم».
وأكمل الرئيس السيسي ،« لازم تتكلموا عشان تسمعوا الناس في مصر، احنا متشرفين بكم ومتشرفين بكلامكم اللي انتم بتقولوه ربنا يبارك فيكم، وأنا مش لاقي كلام أقوله غير إني اقول إن مش بس الجيش اللي ما بينساش، مصر كلها مبتنساش، واحنا في اليوم ده بنتكلم فيه من يوم استشهاد الفريق عبد المنعم من 50 سنة منسيناهوش ومش هننساه ومش هننسى كل شهيد وكل مصاب، قدم حته من جسمه للبلد دي، عشان تبقى في أمان وسلام».
