ابن الشهيد محمد الأكشر: «هبقى ظابط وهجيب حق بابا»
خلال تكريم الرئيس عبد الفتاح السيسي لأسر وأبناء الشهداء ألقى ابن الشهيد النقيب محمد الأكشر، الذي توفى والديه وتعكف جدته على تربيته، كلمة أبكت جميع الحضور، وتعاطف معاها الجميع، جاء فيها مايلي:
«انا بلال إبن الشهيد البطل النقيب محمد الأكشر، بابا استشهد في سيناء وأنا كان عندي سنة وشهرين بس، انا ملحقتش أشوف بابا، لكن كنت بسمع عن بطولاته من جدتي واصحابه وكانوا بيقولولي بابا بطل وعمره ماخاف».
وتابع ابن الشهيد الأكشر خلال فاعليات الندوة التثقيفية للإحتفال بيوم الشهيد قائلا:"بعد استشهاد بابا ب ٦ شهور ماما راحت الحج وكان حلمها تلحق بابا وماتت في السعودية، كان نفسي أعيش معاكم لكن مدام ربنا عايز كدا أنا مش زعلان، وعايزكم تعيشوا في الجنة، وبكتب ليكم جوابات وبقولكم وحشتوني أوي، وبقولكم أطمنوا عليا، إن شاء الله هكبر وهبقى ظابط وهجيب حق بابا وهحقق حلم ماما".
