الرئيس السيسي: «أقسم بالله لو عرضنا فيلم واحد من الحرب على الإرهاب ما حد هينام»
تحدث الرئيس السيسي خلال كلمتة الختامية بالندوة التثقيفية اليوم الخميس، عن تفاصيل الحرب على الإرهاب التي خاضها أبطال الوطن في سيناء، وما شاهدوه من أهوال ومواجهات صعبة.
وقال الرئيس على هامش احتفالية القوات المسلحة بيوم الشهيد:"الحرب مكنتش بسيطة نهائي، أقسم بالله ممكن أذيع فيلم واحد لو شفتوه ما حد هينام، بس معملناش كده".
وتابع الرئيس حديثه : "لما بدأت المعركة معاهم، كنا بنقول امتى تخلص الحرب دي، لكننا كنا عارفين إنها هتخلص".
وأشار الرئيس أنه سيتم إقامة معرض للحرب على الإرهاب في سيناء، سيتم فيه عرض المعدات التي تم استخدامها في الحرب.
وأوضح الرئيس أن الحرب كانت شرسة والعدو مختلف عن العدو التقليدي، اللي بنشوفه وبنعامله وجهًا لوجه، قائلا:"العدو الإرهابي مش اللي بتشوفه مختلف عن العدو التقليدي، لأنه بيتخفى وسطينا وبيهاجم ويجري، ومدرك مدى وجع الناس على ولادها ومستقبل بلدها".
وأكمل الرئيس السيسي، قائلا:" أقدر أقول الحمد لله نجحنا، وهنوريكم الصور بالاسم والصورة لكل اللي كانوا مجرمين هناك".
ووجه الرئيس رسالة للمصرين قائلا:"أوعوا يا مصريين تتسببوا في خراب بلدكم، أوعوا الموضوع ده يتكرر تاني، الكلام ده اتعمل لما البلد فكّت في 2011، علموا الكلام ده في المداس والكليات والإعلام ، مؤكدا أن تدمير الدول من الداخل أخطر شيء".
